壹週刊 第1239期

出道至今，緋聞金榜題名有男亦有女的王力宏，性取向一直成疑。上月二十七日，王力宏忽然在社交網站留言：「我很幸運遇到了一個可以牽手，共度未來的女孩子。」自爆與現年 27歲、美國哥倫比亞大學商學院 MBA學生李靚蕾相戀，兩日後再自爆已婚。

戀情公開前三日（二十四日），有讀者報料指王力宏在廣州，相約大班中外猛男消夜打邊爐。滾完之後，王力宏於凌晨上載父母照片說：「執子之手，與子偕老」為公開戀情展開序幕，經廣州的猛男局，暫別「基界」。

王力宏有「同志天菜」美譽，突然宣布與李靚蕾閃婚，傷盡不少孿孿的心。

婚前三日，王力宏到廣州與大班中外猛男共進火爐，告別單身最後一滾。

被網民笑稱「係靚女」的王太李靚蕾，昔日是濃妝夜蒲辣妹，現在卻刻意打扮成清純人妻。

同志天菜

早在一一年，已有傳媒爆料指「男女通殺」的王力宏，主動向李雲迪抄牌（攞電話號碼），並展開男追男攻勢；去年十一月感恩節，王力宏更登堂入室，到李雲迪北京住所，與李媽媽同枱開飯。
孿情逐步浮面，但一年後，王力宏卻情歸李靚蕾，有指「舊愛」李雲迪大受打擊，在王力宏宣布戀情後不足十九小時，李雲迪校啱時間反擊，公開與田霏拍拖。
無可否認，生得青靚白淨的王力宏，曾被譽為「同志天菜」，公開與李靚蕾相戀，難免傷盡孿孿的心。將告別「基界」，有讀者指王力宏上月二十四日晚，相約大班猛男在廣州消夜打邊爐；據了解，同枱食飯的壯男部分是廣州的科技及金融業才俊，有部分更是同志。

辣妹老婆

壯男團伴食，三日後便要結婚做老襯的王力宏，凌晨時分上載父母照片到社交網站說：「執子之手，與子偕老。」不少歌迷已經估到偶像找到了另一半，直到十一月二十七日，王力宏再自爆與相識十二年、現年二十七歲的美國哥倫比亞大學商學院 MBA學生李靚蕾相戀，一次過推翻多年來伴隨他的「基聞」。
由同志天菜變人夫，事後王太李靚蕾被網民大起底，指她喜愛夜蒲之餘，今年二月更曾與前度男友訂婚，現在忽然變做王太，閃婚一事撲朔迷離。

去年感恩節，王力宏到「情人」李雲迪家中作客晚飯，更與李媽媽合照。

王力宏公開戀情後不足 19小時，李雲迪亦表示有女朋友，傳足三年的「雲宏戀」，原來各有女伴。

王力宏早前公開全家福，太太亦同場，有眼利網民發現照片經過 PS處理，認為婚訊與全家福，同樣「造假」。

金馬影帝後巷啜女

以黑馬姿態成為金馬影帝的台灣演員李康生，與得獎作品《郊外》導演、同樣在金馬獎獲「最佳導演」的蔡明亮，一直是公開的一對，蔡導更以「終身伴侶」來形容與李康生的親密關係。
上月二十七日，電影《郊外》慶祝金馬獎獲獎，之後李康生返到寓所樓下，行到後巷暗處，居然攬住個女人錫。據知女方是李康生從事會計的圈外女友，拍拖多年，蔡明亮對李康生的愛，豈不一廂情願。

壹週刊 第1239期

「純情」馬賽上月初被踢爆做小三，介入內地有米 TB汪子琦的攣情。有纏綿相為證，一度死撐的她大話精無所遁形，形象插水，馬賽採取鴕鳥政策，唔肯硬食。
唔蒲得，但日子其實過得相當風騷快活！獨霸水喉後，有指馬賽每月獲發家用二十萬，在新加坡遊山玩水期間，更被發現在當地賭場豪賭外，她還處心積慮，圖謀千萬半山豪宅。
批中馬賽貪得無厭的正印 Laura，對於狐狸豪收廿萬家用，啜核反擊：「食 turkey（火雞）都唔使咁貴！」

爛賭樣
潛水日子，馬賽同汪子琦（黃衫）到新加坡的金沙賭場豪賭。有賭客指她每次落注十萬，賭得狼，最後仲輸到面黑黑！

發現有賭客偷影佢，手風唔順又無化妝的馬賽即揮手叫停！攣情踢爆前，愛穿黃色的汪子琦曾把二人合照放上微博。

兩個月燒二百萬

爆出攣情後，即時潛水的馬賽發放「慈悲論」試水溫圖翻身，卻被 TB汪子琦正印、富婆 Laura數爆惡行，令馬賽繼續龜縮。避世近一個月，馬賽雖因攣情被擲入雪櫃斷米路，但有水喉在手，馬賽於是在 TB汪身上盡情閹割。
據了解，汪子琦對馬賽極為慷慨，每月有二十萬做家用，其他購物消費又另計，加埋不斷送名牌送珠寶首飾，過去一個月繼續把臂同遊，先後到新加坡、越南等多個地方度假及豪賭，有指馬賽攣情展開僅僅兩個月，汪子琦在她身上已燒錢超過二百萬。
汪子琦中「馬瘟」，有指汪父十分不滿，被激到入醫院。
「子琦老豆一直當 Laura新抱看待，知道個女迷晒落馬賽度，激到入咗醫院。但馬賽仲咬住唔放，纏住子琦出埠玩，玩咗半個月！子琦一向好孝順，但今次好似俾鬼迷咁，完全唔理家人反對。」知情者爆。

正印 Laura:食火雞都唔使咁貴（真實對白）
上週六（ 30/11） Laura離港返上海，聞言汪子琦給馬賽廿萬家用，她即寸對方唔值呢個價。

上月初，馬賽飛到上海跟汪子琦啜爆，攣情斷正即潛水避世。

辣媽聯手擸豪宅

上月中，唔使做每月起碼有廿萬零用的馬賽，被人發現孖住汪子琦出現新加坡的金沙賭場，豪玩上限十萬坡幣（約六十多萬港幣）一注的百家樂，埋賭枱現真身，馬賽賭相專業，嗌牌面不改容。
「佢好似忘記自己係藝人身份，鋪鋪嗌牌，賭得好投入。十萬十萬（港幣）咁落注，好搏。但佢哋手氣唔好，兩個人都輸錢，馬賽仲輸到黑晒面！」一名目擊者說。
處心積慮搶碼頭，馬賽得手後火速現形。據悉，馬賽的母親見汪子琦正沉溺在女兒溫柔香，於是獻計擸嘢！要求汪子琦將在港投資、市值二千多萬的半山豪宅轉到馬賽名下。

馬賽辣媽

廿萬家用嫌未夠！有指早前馬賽聯同辣母，出招向汪子琦苛索千萬豪宅。而保養得宜的馬母，同愛女拼埋似兩姊妹多啲！

上週秘密返港

擸豪宅事敗後，返港匿了多日的馬賽，終在上週二（ 26/11）戴住眼鏡，笠埋 cap帽，載住辣媽出動，往邵氏片場跟樂易玲密會，為本週復出商討對策。

驚動汪家插手

「子琦原本打算半年後等感情穩定，就買層樓俾馬賽揸手。點知佢哋好心急，拍拖未過三個月，就想擸層樓，兩母女又氹又鬧，軟硬兼施。馬賽個阿媽一日到黑向汪子琦洗腦：『我個女為你犧牲事業，你要補償呀！家用唔夠，有樓先有安全感。』起初子琦嘅屋企人都唔知佢為馬賽係咁燒銀紙，直至佢打電話搵香港經紀問市價同埋轉名手續點搞，先驚動到佢啲親人。」
據知汪子琦的家人即刻出手阻止，知道汪家插手後，馬賽才收手，暫時未有採取進一步??功。

鬼祟入西貢

見完樂易玲第二日，將 cap帽拉低的馬賽漏夜帶埋阿媽去西貢南圍的友人家，一傾三粒鐘。

密會樂易玲復出

被汪家上下??實，狐計不得逞的馬賽，近日開始密謀復出，並氹掂樂易玲收回雪藏令，有指無綫內部已傳出馬賽將於本週現身公開活動，樂易玲更安排她先在公司節目《東張西望》接受訪問，為插水形象拆彈。
上週，馬賽再於微博發功，先後鋪了「寬恕論」和「翻身論」為蒲頭鋪路。對於被正印數爆惡行，馬賽曾向身邊人表示未驚過。
「佢話 Laura唔係圈中人，外界對佢根本冇興趣；相反佢自己係港姐，只要行出嚟解話幾句，就可以冇事。」馬賽身邊人說。
外遊返港的馬賽，一直深居簡出，直至上週二（十一月廿六日）中午，由辣媽傍住，駕車到位於將軍澳的邵氏片場，密會樂易玲商討復出對策。共商大計兩個小時，馬賽才離開。
連日來，無論秘返無綫，或漏夜到西貢探友人，馬賽每次出動，例必拉低 cap帽戴眼鏡，遮遮掩掩。

氹人有一手的馬賽，氹掂汪子琦送錢送名牌及首飾。其中手戴的 Chanel J12手錶正是 TB汪子琦送的小禮物之一。

潛水日子，馬賽同汪子琦雙雙出埠玩顯得小心低調，二人甚少放外遊相上網，唯一在越南時，二人貼出同一外景的單頭相。

正印 Laura連踩兩場

以 VIP身份來港出席 LV新店開幕派對，一身百萬行頭的她獲 LV中國總裁 Philippe招呼。之後再踩去會展睇偶像黎瑞恩演唱會。瘦了一圈的 Laura強裝笑容。

溝到手袋五十萬

馬賽擸樓失敗密謀復出，與此同時，正印富婆 Laura上週四（二十八日）來港，準備翌日以 VIP身份出席 LV新店開幕禮外，順道撐十年無開個唱的偶像黎瑞恩場。
遭馬賽「強搶」後瘦了一圈，一臉憔悴的 Laura上週六（三十日）離開下榻的君悅酒店，往機場準備飛返上海時，本刊上前訪問，對馬賽的吸水狐計，她句句啜核。
壹：馬賽同樂易玲約見面，商量復出！
L：佢唔係霸咗碼頭上咗岸咩！（有冇睇佢喺微博嘅「翻身論」？）佢搣爛咗個兔仔皮，嚟緊換番塊羊皮出嚟撈過！
壹：你係咪知佢喺汪子琦身上攞咗好多錢？
L：攞錢就梗有啦！同佢哋攤牌時，佢溝掂汪子琦只係半個月，我已經知道佢攞咗五十萬，到依家兩個幾月，應該去到七位數字。
壹：知唔知汪子琦一個月俾廿萬家用佢？
L：我唔知俾幾多，但我知係有俾錢。廿萬……（苦笑一下）食 turkey都唔使咁貴！
壹：係咪覺得佢好貪錢？
L： Absolutely（絕對係）！貪錢唔緊要，但唔好扮到唔係為錢，咁樣就好 cheap！

Laura出席 LV活動前一晚，相約陳敏之食飯，一食兩粒鐘，離開時陳敏之扶住情傷的 Laura步出。

疼錫表妹汪子琦的上海富婆毛玉萍，據悉她一直反對汪跟馬賽拍拖。日前她偕兒子 Eric及其女友出席蔡汪的世紀婚宴。

Laura直斥馬賽貪錢，爆她與汪甫一起，就先擸五十萬。

對於馬賽日前在微博發「寬恕論」及「翻身論」， Laura不屑的說：「佢有咩資格講寬恕！呢個戲子唔係連呢個字都要搶嚟講！」。

形象插水，連帶她擔正的劇集《神探高倫布》都不能入圍角逐台慶女主角，只能以《法外風雲》入圍女配角。

今年八月 Laura出錢請馬賽歐遊一個月，當時二人情同姊妹，經常孖住影相。沒想到工於心計的馬賽密謀「奪愛」做小三，前後變臉不足一個月，令 Laura難以接受。

樂易玲爆馬賽哭着見面

對於有消息傳出，馬賽與無綫製作資源部總監樂易玲密會，鋪排今個月出來見人外，馬賽更被爆每月收取汪子琦20萬元生活費，曾在新加坡豪賭。樂易玲昨日於公司刊物舉辦的頒獎禮上表示：「上星期是見過馬賽，心情時好時壞，當日有喊，特別講到一些報道。我們不是傾解約，是和她媽咪一齊見面，了解一下她的情况。之前講過安排一些活動見大家，又不是記者會，見她有份提名入圍台慶頒獎禮，所以會盡快安排出來。（傳有20萬元生活費及豪賭？）大家見到她再問，不作評論，不知真假。其實我有講過，藝人私生活不管，他們有自由，最重要是家人接受，我們是無辦法。」

至於怕否馬賽形象影響廣告商信心，樂易玲坦言希望不會，只希望馬賽想清楚狀况，不能任性，馬媽媽及大家給時間她自己了解清楚。樂易玲說：「不覺得性取向影響形象，那是私生活，只是藝人離開香港也要留意，有時不是記者影到相。（無綫繼續雪藏馬賽？）不想用雪藏這兩個字，想她先冷靜及休息。而我要了解一下，她要些時間思考，見面時知她想盡快開工。（無綫條路仍為她開？）任何小朋友會任性，行差踏錯，只要不是作奸犯科，這個機會要給她。」

陳豪的老婆陳茵媺今日凌晨零時許，在她的個人微博中，貼出兩幅BB相，並以英文留言，宣佈愛子已經出世！她說這位寶貝仔降臨，令他倆夫婦的人生添上新的意義。其中一幅相片是茵媺和BB鼻貼鼻，另一幅是BB的小手，兩張相片均洋溢溫馨幸福感！

陳豪與陳茵媺一直向外間公布首個愛情結晶品是個「Christmas Baby」，預計「豪仔」在聖誕至新年期間出世，陳豪原本昨午三時到尖沙咀出席無綫官方刊物所舉辦的頒獎禮活動，向來甚少失場的陳豪竟臨時甩底，至中午才通知大會聲稱因患病未能出席活動。由於事出突然，相信陳豪是趕往醫院陪伴太太分娩。陳豪今晚將到金鐘出席聖誕亮燈活動，記者聯絡過主辦單位，已確認陳豪會如期出席，令人相信向來「識做」的陳豪會將「豪仔」出世這份大禮物留待今晚活動中才公布，為活動爭取見報率以回饋廣告客戶。

陳豪十足緊張大師，見到現場多人，即從後傍住保護老婆。

「小Mo子」原本預計本月中出世，陳茵媺因為之前獨自駕車外出，試過發生交通意外，最終被陳豪「軟禁」，要她留家安胎。被禁出街呻悶，陳茵媺於是向老公又扭計又詐嬌，上星期五（二十九日），陳豪見自己要去銅鑼灣做活動，於是帶埋老婆行孖咇，陳豪開工，豪嫂就在附近 shopping。

由於天氣已轉冷，大肚陳茵媺打定底，羊毛底衫、 leggings貼身保暖，外面再加一件闊身厚褸，包無閃失。已沒有公開露面接近三個月的她，肚皮極速脹大，據知大肚婆體重由原本一百零八磅，增至接近一百六十磅，肚圍更去到四十三吋，比過去 fit到漏身形，足足多了二十吋。

Hermes Garden Party

體重升至一百六十磅，肚圍粗達四十三吋，正面側面睇，陳茵媺個肚都十分巨型。


一收到老公電話，陳茵媺就停手 shopping，去會合老公。

錫到燶

由筍盤到愛妻號，陳豪為求陳茵媺得到妥貼照顧，無論婚前婚後，到佗 B期間，一直花盡心思，頭號好老公。

補品養胎
今年九月尾，老婆由加拿大返港前，陳豪專誠到上環一間參茸店買冬蟲草和花膠，準備補品給陳茵媺養胎，仲要唔貴唔買，最終豪使 50萬埋單。

浪漫婚禮
娶得美人歸，陳豪為咗令陳茵媺有個美好回憶，刻意到消費極貴的巴黎舉行婚禮，又豪請家人和賓客，五日四夜花近 300萬。

送 Hermes
兩人拍拖時，陳豪為搏女友歡心，豪買 15萬 Hermes birkin手袋，升呢做陳太後，陳茵媺更加要乜有乜，身上件件名牌，拎嘅唔係 Hermes就係 Chanel。

花膠鮮奶養胎

陳茵媺是長胎不長肉，除了個肚，下半身位置，和面完全無異樣，就算生得，亦沒有出現水腫，下巴依然 V煞。「無論 Aimee（陳茵媺）想食乜，阿 Mo（陳豪）都會準備好，奶奶又一個星期煲幾次花膠鮮奶，再加其他補品俾新抱同個孫食， Aimee想輕啲都難。早排佢哋去照 4D，見到 BB已經好大隻，醫生話 BB喺肚裡面發育得好好，好吸收，應該會係重磅 BB。」陳豪身邊人說。
陳豪做活動預一個鐘，陳茵媺 shopping時間有限，精挑禦寒衣物，見有記者影相，她反應極快，戴上黑超主動打招呼，問她有否買 BB嘢，她說：「行吓街咋！」收到老公電話後，陳茵媺即刻收手，行去隔籬街會合陳豪，沿途有市民問她陳豪呢？豪嫂即笑笑口指住對面馬路：「嗰個傻仔咪係囉！」相當搞笑。兩公婆會合後，陳豪第一時間主動接過老婆手上的購物袋，之後變身保鑣，從後護住陳茵媺上車，相當體貼。

週二（ 3/12），陳豪與陳茵媺去到柴灣一間影樓，問到他們是否影大肚寫真，他們笑笑口唔肯答。

途中遇到陳法蓉及向海嵐，兩人上前恭喜他們。

陳豪已經做好準備，在比華利山愛巢布置好 BB房。

損失三百萬

據陳豪身邊人透露，陳茵媺今次挺住巨肚自己行街，陳豪事前考慮了好一陣才答應。事實上，由加拿大返港安胎這段時間，豪嫂原本打算接一些輕鬆又不花時間的商業活動，賺錢兼打發時間；十月中，她連續出席了兩個手錶及酒店活動後，因為體力透支有見暈情況出現，嚇到陳豪立即下令叫停，嚴禁老婆再接 job，還要盡量留家休息，賺奶粉錢重要，陳豪密密做，自己嚟！
「 Aimee佗 B出騷價升咗近兩倍，由原本八萬跳到二十萬，如果加埋陳豪一齊，最平嗰個都俾到五十萬，見到啲錢係咁送埋嚟， Aimee梗係想幫老公手，但每次出活動單係化妝整頭，最少要坐定定三個鐘，佢又貪靚要著高踭鞋，有時企成粒幾兩粒鐘，仲要不停做訪問，做完一次活動就成個人冇晒精神，有次仲見暈，阿 Mo見到老婆咁好心痛，即係叫經理人幫 Aimee推晒之後嘅 job，保守計，起碼賺少三百萬。」陳豪身邊人說。

講掂數停一年

自從陳茵媺有咗，陳豪已力勸老婆退出幕前，兩公婆更為此出現分歧，愛妻號陳豪明知陳茵媺仍對演戲未心息，更打算產後盡快修身復出，兩人經仔細考慮，最終講掂數，最快要等到 BB一歲生日，豪嫂才復出接劇。未來一年，陳豪要孭起一家三口重責，臨近停工陪產前作最後衝刺，過去一星期，陳豪出席了五個收錢活動，衝破紀錄！之後再陪豪嫂坐月三個月，到明年三月，才正式復工，以及宣布日後去向。

星期日，陳茵媺又趁陳豪工作空檔，去中環 IFC行街 shopping，等陳豪收工後一齊返屋企。

忽然1周 第958期

台慶頒獎禮，還有不足兩星期（ 16日）舉行。視帝視后年年爭崩頭，日前本刊收到消息，無綫在上周三（上月 27日）公布提名名單前，所有高層包括非戲劇製作總監余詠珊及製作資源總監樂易玲等人，曾進行長達三小時閉門會議，開會期間高層更露口風講出獎項的心水人選。
馬國明早前為搏攞視帝，私下與無綫加簽七年約，可是，由於經歷熄電視風波，令無綫台慶收視插水。為免再次辣?網民，無綫在今次頒獎禮選擇順應民意，將視帝寶座授予非親生仔張智霖。據知，得知有望開齋攞視帝的 ChiLam，索性推了湖南衞視五十萬人仔酬勞節目，疊埋心水等拎獎。

今年中播出的《衝上雲霄 II》，有外將吳鎮宇和 ChiLam壓陣，收視口碑全年稱冠。在劇集中飾演 Cool魔的 ChiLam，有望憑此劇稱視帝，因此早前已揚言會度定期出席台慶頒獎禮。

向來與無綫關係良好的張智霖，雖然唔係親生仔，但觀眾一致讚好，無綫有見及此，九成九都會頒獎俾佢。

大馬奪視帝
張智霖上星期憑 Cool魔一角奪「大馬最受歡迎男主角」。心雄的他，希望再下一城在無綫頒獎禮奪視帝寶座。

靚靚 mark實
得 Cool魔一角帶挈，周日（ 1日） Chi Lam去完大馬攞獎，即到湖南搵真銀，老婆袁詠儀亦有同行。二人在當地逗留兩天，周二下午搭飛機返港。

出動傾獎
ChiLam和老婆落機返家後，到晚上再返公司，與經理人蕭定一傾了約兩小時，才與靚靚攞着兩大箱客戶送的禮物離開。

馬明成犧牲品

無綫去年視帝視后皆為全民投票，今年忽然改賽制，視帝視后改為一半民選，一半專業評審選出，變相令無綫到最後一刻仍可操生殺大權。早前已續約無綫七年的馬明，原本視帝夢早已入直路，但現在卻生變卦。知情人透露：「公司早排走咗咁多人，班高層見馬明聽教聽話，所以先將《 On Call II》提前擺喺台慶檔推出。不過早排電視牌照同熄電視風波，無綫驚收視好似台慶嗰晚咁創十年新低，所以有意將視帝個獎頒俾非親生仔 ChiLam。一嚟 Cool魔角色夠搶，二嚟網友又 buy佢。」

今年為爭視帝，剛與無綫續了七年約的馬明，早前曾對記者表示有信心攞獎。可是其主演的《 On Call II》，收視口碑均麻麻，令原本實食冇黐牙的視帝寶座，極有可能拱手讓俾 Cool魔張智霖。

台慶先勝一仗
上月中台慶夜，在圈中人緣甚好的馬明，先拔頭籌奪得「藝員眼中的視帝」。據知，高層樂易玲和曾勵珍，由於不想肥肉落在外人手上，現階段仍落力游說其他監製，希望造就馬明奪獎。

蕭定一：睇無綫點做

、
知情人士說：「 ChiLam覺得去得頒獎禮一定要攞最大嘅獎，冇視帝唔會到，就算俾個豬肉『最受歡迎電視男角色』獎都寧願唔要。佢哋話如果去到宣布嗰一刻先知唔係自己，個鏡頭影住自己大頭，都唔知俾個乜嘢表情。其實佢自己都知攞咗視帝，身價會唔同，返大陸做嘢隨時多三、四倍酬勞，冇人會嫌錢腥嘅！」
記者周一（ 2日）就 ChiLam推內地騷致電其經理人蕭定一，他直認：「嗰晚的確有個賺好多錢嘅 job搵佢做，但 Cool魔呢個角色係無綫帶俾佢，令佢今年成績好好，應該報答番無綫。不過咁大嚿錢嘅 job唔接，對 ChiLam同公司都係好大損失。（係咪攞視帝先到？）個 job就推咗啦，不過佢都仲有其他嘢做，盡量就啦！都要睇無綫點做?！」意味 ChiLam獎到人到。無綫今年為自保，睇嚟與無綫續了七年約的馬明隨時得個吉。
至於 ChiLam亦和經理人同一口徑：「到唔到要睇公司安排，不過人哋攞都戥人開心嘅！」

視帝自選

今年視帝前 15名入圍男星已公布，在他們心目中各有不同意見及得獎人選。日前記者訪問眾人，大部分對自己都打定輸數，索性買定花生等睇 ChiLam同馬明鬥。
祥仔打輸數今年真係難揀，《衝 II》口碑真係好，兩個男主角咁受歡迎，超班演出，好有魅力，自己冇期望。

鎮宇冇信心
祝 ChiLam旗開得勝啦，我自己就信心唔大啦。但無論如何， TVB係我『母校』，下年我都會返去拍劇！

子華冇得爭
爭視帝？唔使啦，今年唔係張智霖就係吳鎮宇，其他冇得爭。

陳豪生仔
緊要今年唔會係我喇，現階段嚟講，生 BB最緊要。

正楠認冇機
我只係等個飛躍獎，四年都冇呀，要攞視帝冇十年八年唔使講啦，一定唔會係我呀！

馬明分分鐘雙失

綜觀多個討論區，發現網友心目中的視帝離不開 ChiLam和陳展鵬之爭。馬明除了輸視帝，分分鐘連「我最喜愛男角色」亦要拱手相讓俾其他人。

嘉欣攞獎公開戀情

一招有獎先到， ChiLam冇得輸。至於視后方面，去年已是民選視后的鍾嘉欣一枝獨秀，除了《巨輪》飾倀雞英的田蕊妮有少少威脅外，幾乎冇人同佢爭。早前在大馬頒獎禮先奪視后的她，雖然在《巨輪》中不及田蕊妮出位，但年中她在《玩嘢王》節目做嘉賓，其哭崩長城玩番魔術師轉頭一幕，備受激賞。日前曾勵珍更向本刊透露，今年會捧她做視后。
「我今年睇好佢（鍾嘉欣），我都有讚佢喺《巨輪》演技唔再誇張，好定好沉實表達內心戲，係好大進步。（你會投佢一票嗎？）會，一定會！」有珍姐做後盾，嘉欣 BB封后冇走雞。
同時，本刊亦收到風，為加強娛樂性，鍾嘉欣在頒獎禮當晚，將會效法胡杏兒，得獎後正式確認拍拖六年的男友伍允龍身份。知情人透露：「嘉欣同 Philip（伍允龍）拍拖一直好低調，搞到好多人以為佢哋散咗，早排仲傳佢同陳展鵬撻着。佢兩個為咗呢件事搞到有啲唔開心。所以嘉欣同咗公司提議，如果自己有機會上台攞視后，就會公開戀情，佢咁做一嚟可以杜絕緋聞，二嚟觀眾又會覺得佢夠長情，對形象都有幫助。」
等足十年早已是「民選視后」的鍾嘉欣，等足十年，今年終於唔使陪坐。

公開六年情
鍾嘉欣與伍允龍地下戀維持了六年，每次提到男友她也甜絲絲。據知雖然二人在圈中男卑女尊，但至今感情依然穩定。

效法胡杏兒
兩年前，胡杏兒得視后時公告與黃宗澤「好難頂」戀情，場面感人，可惜二人數月後分手。據知今年鍾嘉欣有意效法胡，上台攞獎時會正式確認伍允龍男友身份，以杜絕其他緋聞。

唔敢爭
田蕊妮憑《巨輪》倀雞英一角贏盡民意，不過她對獎項睇得好化：「呢個角色本身討好啫，多謝珍姐（曾勵珍）俾機會。攞視后我唔敢諗啦，可以提名同觀眾認同已經好開心。」

同事最愛
田蕊妮在台慶當晚先拔頭籌，擊敗鍾嘉欣獲全台藝員投票成「視后」，她說：「我講過唔喊，但真係好感動。」喊到收唔到聲。

《巨輪》不是台慶劇，但也極受歡迎，個勢仲好過《 On Call II》及《法外風雲》。

新賽制

新人事新作風，近兩年無綫無論頒獎或選美，賽制不斷變，今年台慶又改制，分三個不同界別俾獎，觀眾要投票真係要睇清楚，事關眾多獎項中，就只得「最受歡迎電視男、女角色」是真正表達民意的全民投票，其餘各獎項加入「專業評審」和「全台投票」，言下之意，始終係自己人玩晒！

吳卓羲壓蕭正楠

至於由全台職藝員加專業評審選出的「男女配角獎」以及「男女飛躍進步藝員獎」，雖然係細獎項，同樣成為上位的姐仔小生爭奪目標。
據知，最佳男配角原定由曾勵珍愛將蕭正楠奪得，但吳卓羲明年中便約滿無綫，近年已冇擔正做男主角的他，完約後本來的起心肝返內地拍劇，近日卻多次被無綫挽留，更以獎項利誘。知情人士透露：「阿 Ron（吳卓羲）喺《衝上 II》角色討好，俾佢攞都叫合情合理。燉咗落二線咁多年，近排拍緊嘅《醋娘子》，阿 Ron都擔正做番一線，睇得出公司係想留佢！」至於被吳卓羲攝了男配角獎的蕭正楠，據知最終只會奪得「飛躍進步男藝員」。
以獎留人吳卓羲近年在無綫被投閒置散，連男一都冇得做，早已決定明年離巢，但無綫近年唔少一線藝人唔續約，因此用「最佳男配角」獎來換取他留低，出盡法寶留人。

主角變配角
吳卓羲在《衝上 II》表現討好。劇中本與胡杏兒是一對的他，提名男配角，相反胡杏兒卻憑劇中角色提名女主角。不過有獎攞，相信吳卓羲都唔會介意嘅！

犧牲蕭正楠
男配角獎既然預留俾吳卓羲，本屬大熱的蕭正楠便要犧牲，只能「燉」落「飛躍進步男藝員」獎。不過，從未在台慶頒獎禮攞獎的他，好過冇啦！

翠如惡鬥香香爭「飛躍」

除了視帝、視后主要獎項外，今年的「飛躍進步女藝員」同樣爭持激烈，縱觀有份入圍的名單中，以宅男女神岑麗香勝算最高。
不過據知由非戲劇製作總監余詠珊一手捧紅的黃翠如對此獎亦虎視眈眈。一無綫工作人員透露：「 Sandy（余詠珊）唔衰得?嘛，佢用咁多心機谷翠如，梗係想佢攞啦，擺明自己有眼光嘛！呢排佢成日約監製、幕後食飯，講明幫翠如 BB拉票。不過因為投暗票冇人驚佢，所以好多人表面應承，實則唔會囉！唔係翠如唔好，係唔想益咗 Sandy啫！」
硬插愛將余詠珊硬插愛將黃翠如爭「飛躍獎」，不過其他高層及無綫職員卻屬意香香攞，相信余個如意算盤打唔響。

香香夠搏
岑麗香在《神鎗狙擊》做女飛虎，緊身 T恤「戥戥下」跑步夠晒搏，得高層歡心亦得網民喜愛。

江美儀開齋
江美儀並非無綫親生女，但多年來在不少劇集也有突出表現，連續三年成「女配角」大熱。今年她與馬國明在《衝 II》有多場親熱戲，掀起熱話，據知無綫今年有意讓她奪「女配角」開齋。

忽然1周 第958期

近年無綫小生紛紛返大陸搵人仔，繼林峯及鄭嘉穎後，陳豪亦決定於明年一月約滿後，離開無綫，轉戰內地市場。不過，醒到爆的陳豪，為了在老婆陳茵媺臨盆前狂賺一筆，對無綫一直採拖字訣。被問到去向時大耍太極，即使傳他會自組公司，他亦只說︰「適當嘅時候會公布。」模稜兩可。
滿肚密圈的陳豪，其實早謀後路，暗中與離巢無綫自組公司的金牌監製戚其義斟掂，接拍內地一套古裝長劇，貪阿戚的古裝劇在內地贏盡口碑，可為自己打開內地市場。
雖然選擇離巢，但多年來都是曾勵珍愛將的陳豪，據知已冧掂無綫改簽部頭約，一年拍一劇， keep住知名度。

戚其義製作的《金枝慾孽》及《火舞黃沙》贏盡口碑，雖然《天與地》在大陸禁播，但《天》劇愈禁愈熱，反令戚其義在大陸廣為人知。有不少大陸投資者紛紛慕名找他開劇，所以阿戚去年離開無綫後，便自組公司北上發展。

重用愛將
戚其義與蔡少芬合作無間，加上 Ada在內地有知名度，阿戚的新劇女主角有意找她。

劇價升 6倍

「阿戚（戚其義）用咗一年籌備新劇，頭炮梗係搵番自己人，佢第一個就搵阿 Mo（陳豪）。阿戚拍心口應承阿 Mo，嚟緊一齊拍大陸劇搵人仔，加上套劇農曆年後先開拍，遷就到佢照顧 Aimee（陳茵媺）同 BB，所以阿 Mo好快就應承。阿 Mo今次拍一集收 20萬，比喺無綫 3萬，劇酬高 6倍有多！」知情者說。
由於陳豪現時與無綫仍有約，所以他接拍戚其義新劇要低調進行。其實，陳豪明年一月便約滿無綫，無綫多次催促他續約，曾勵珍及樂易玲車輪轉游說他，甚至連集團總經理李寶安亦親自出馬同佢傾新約，但陳豪都是一味拖。為了賺多些奶粉錢陳豪去意已決，更與跟隨自己多年的經理人陳嘉莉，計劃自組公司。

珍姐力撐
當年曾勵珍帶陳豪入 TVB，故他明年離開改簽部頭，仍有珍姐睇住。

雖然明知唔續約，不過陳豪仍然幫手拍明年的新劇《陪著你走》片花，與無綫維持良好關係。

密密出騷
手上有十個廣告代言的陳豪，近日頻頻出來賺「奶粉錢」。周一（ 2日）出席品牌活動時，更父愛大爆發，同小朋友開心合照。《蘋果日報》圖片

陳豪平日騷價三十萬，夫妻檔出席活動搵錢更多，開價 50萬仍然有價有市。至於陳豪未滿約的廣告，無綫亦會履行經理人責任，直至合約完成。

靠新劇攻大陸

「雖然阿 Mo喺香港賺好多錢，出 event有價有市，不過佢眼見阿佘、蔡少芬同鄭嘉穎賺人仔豬籠入水，劇價去到三、四十萬，點會唔心郁。阿 Mo一向拍時裝劇多，但內地唔係好 buy佢嘅中產形象。所以人氣一般，反而佢同阿戚拍嘅古裝劇《金枝慾孽》同《火舞黃沙》，就好受內地歡迎。加上阿戚呢套創業作係 40集古裝劇，又搵蔡少芬同邵美琪做女主角，加埋編劇周旭明，阿 Mo好有信心，靠呢套劇攻陷內地市場。」
眼見不少小生花旦如郭晉安及佘詩曼等，都是兩年才幫無綫拍一劇，其餘時間就北上搵人仔，陳豪亦有樣學樣。記者就他接拍阿戚新劇及與無綫改簽部頭合約，致電其經理人陳嘉莉，但到截稿前未獲她回應。
至於戚其義，則在電話中直認傾掂陳豪做男主角：「係呀，陳豪會拍我套四十集古裝劇。（佢離開無綫即刻同你開劇？）我唔知佢係咪離開，我套劇仲等緊批文，唔講得太多。（陳豪酬勞高過無綫？）呢啲係製片傾嘅！」陳豪離巢，已係千真萬確。

最佳拍檔
拍攝《 4 In Love》時，陳豪向戚其義試戲，阿戚即時向他反映意見，兩人十分合拍。

陳豪與經理人陳嘉莉合作達八年，他在巴黎結婚及多倫多擺酒，她都陪伴在側，陳豪開公司請她幫手，是意料中事。

合夥開糖水舖

戚其義與陳豪拍劇合作無間，但兩人的合作並不止於此。他們早在 09年開始，已經合資在天后開設甜品店「甜姨姨」，店舖更由五百呎擴充到一千呎，生意愈做愈大。有了開糖水舖的成功經驗，陳豪至決定搞咖啡店，但近日為了照顧陳茵媺及 BB，才暫時擱置開店大計。
「陳豪一直都想做生意，咁當時阿戚旗下有個女編劇想開糖水舖，陳豪知佢煮甜品好叻，咪搵埋阿戚投資間糖水舖，當係學做生意。之前阿戚嘅劇都有喺嗰度取景，外界都唔知道陳豪係股東。」知情者說。

位於天后的甜品店，生意愈做愈好，擴充之餘也令陳豪決定再搞生意。

在《天與地》，林保怡和陳芷菁亦有在甜姨姨食甜品傾心事。

陳豪與戚其義由 09年開始合作搞甜品店，不過兩人都不是最大股東，大股東是落手落腳做甜品的前編劇葉嘉盈。

忽然1周 第958期

03年憑電影《金雞》首奪金馬影后的吳君如，最近為《金雞SSS》秘密開工。據知她更碌盡人情卡邀請多位重量級男星，包括黃子華、張家輝、古天樂、張學友、鄭中基、余文樂同杜德偉等。據知大部分男星跟吳君如都有牀戲，飾演嫖客的黃子華罕有赤膊上陣，張家輝更會爆肌穿 T-back。不過戲中最大賣點應該是陳年舊愛杜德偉肉搏君如。

上周二（ 26日）下午四時許，君如在銅鑼灣開工，其騎呢金雞造型亦曝光， 38D逼爆上圍加低胸喱士衫，看來明年的金像獎影后她亦志在必得。

新金雞造型獨家睇
手托巨胸上周二（ 26日）下午約 4時，吳君如步出銅鑼灣霎東街一間二手手袋店。近日積極減肥的她，身形明顯纖瘦，加上裝了假狗的 38D大奶，負荷過重，她要用手托住巨胸。

肉搏舊愛

吳君如與杜德偉 80年曾拍拖，屈指一算已經係三十幾年前的事。今次她力邀舊愛客串，難得陳可辛及杜太唔介意杜德偉肉搏君如。本刊至截稿前仍未聯絡得上杜德偉。

為了赤膊與君如肉搏，黃子華最近日日喪跑操 fit自己，鋼條身形好快有得睇。

導演好 chock

上兩集《金雞》都由鄒凱光編劇，今次他終於升呢做《金雞 SSS》導演。坐住導演櫈的他，戴住黑超擺 chock樣，幾有威嚴。

賀歲片檔期一向競爭激烈，今年有常客黃百鳴出品的《六福喜事》、王晶執導發哥主演的《賭城風雲》，仲有最新加入戰團的《金雞 SSS》。吳君如飾演的阿金雖然已變成老雞，但君如今次請來的男角就相當有睇頭。據知當中黃子華、張家輝，以及君如舊愛杜德偉都與她有連場肉搏戲。知情人士透露：「依家日日係咁趕戲，趕新年上嘛！今次三姑（吳君如）叫晒啲老友幫手。張家輝雖然話自己呢排冇 keep，不過劇本要佢着 T-back肉搏三姑，明益三姑。佢嘅陳年舊愛 Alex（杜德偉）嗰場未拍，導演灘叔（鄒凱光）話點都要 Alex除衫騷肌，夠晒噱頭。」

狂??事業線

上月 27日吳君如上載與男友陳可辛的合照上微博。相中陳可辛視線望實吳君如的事業線，君如更搞笑說婚姻需要事業線來維繫。

一皇十三后

上周四(28日)是陳可辛 51歲生日，吳君如搵埋《金雞 SSS》一班姊妹賀 Peter生日。 48歲吳君如為力壓一眾後生女模，唔怕醜騷長腿，差點露股。

子華性無能

除了一班圈中型男肉搏吳君如之外，甚少在大銀幕出現的黃子華亦有份。最近無綫新劇《 My盛 Lady》熱播，人氣爆燈的他將會赤膊上陣大戰吳君如。知情人士續說：「咪睇子華同三姑好似冇咩關係，其實佢兩個識咗好耐，子華以前做幕後已經識。三姑要求子華赤膊露紋身同晒鋼條身材，子華都冇托手踭。今次佢飾演懷疑自己性無能嘅嫖客，幫襯三姑當醫病。」

做雞奪影后

吳君如 03年憑《金雞》中舞小姐阿金一角奪台灣金馬影后。其角色深入民心，演技亦得到認同，可惜同年未能奪香港的金像獎影后，惟有寄望明年上映的《金雞 SSS》有機會再攞影后啦！

谷盡 D CUP胸

今年黃百鳴出品的賀歲片《六福喜事》由谷德昭執導，曾志偉、鄭中基及吳君如主演。雖然卡士唔夠《金雞 SSS》揮，不過黃百鳴有票房保證，都未必輸硬。

《金雞SSS》在銅鑼灣霎東街拍外景。吳君如曾步出拍攝場地，其「阿金」造型終於曝光，老土冬菇頭配上豹紋長褸、烈艷紅唇，低胸喱士內衣突顯其谷到盡的 38D身材，撈味十足。阿金更抄足強國人的衣着品味，肉色絲襪配大碼拖鞋。吳君如每當中場休息，都機不離手，拎住新 iPhone 5s玩微信，更不時步出店外講電話。當劇組人員發現本刊記者，即時以人牆遮擋鏡頭，不想君如造型曝光。又難怪嘅，君如今次盡地一煲搏到盡，希望憑此片再嘗影后滋味，上映前當然想保持神秘感啦！

港人愛《金雞》

《金雞》 02年聖誕檔期在香港上映，吳君如飾演夜總會小姐阿金，戲中有影帝級人馬胡軍、曾志偉及梁家輝等助陣，加上客串男星如劉德華、黃日華、張堅庭等，非常有驚喜。吳君如當年的放蕩演出亦是賣點，當中與陳奕迅牀上肉膊，脷疊脷打車輪成為一時佳話。有傳拍攝時監製兼男友陳可辛都要清場迴避。《金雞》票房達千六萬叫好叫座。
翌年君如乘勝追擊再拍《金雞 2》，以香港人面對 03年沙士逆境生存為主幹故事，搵來黎明、張學友、劉德華、黃秋生等合力演出。劉華更在戲內飾演香港特首，時至今日仍有港人夢寐以求劉華取代梁振英做特首。

張敬軒早前因食物敏感而入院接受治療。張敬軒最近忙出席活動外，亦忙於為明年公演的舞台劇備戰，事業如意之際，據知他早前因突然面腫、呼吸困難及心跳加速而急入院，經檢查後，醫生指他患上食物敏感症，要急急打抗敏針，更指如他遲數小時到醫院，可能有性命危險。據聞軒仔是進食了蠶豆才出現嚴重過敏，故醫生叮囑他日後要小心飲食，當晚軒仔留院數小時已無恙，但因身體虛弱而要同事到醫院接回家。

軒仔接受訪問時表示：「早前同友人食西餐，伴菜係蠶豆，我食咗一粒就出事。」不過他現時已康復，強調身體非常健康，軒仔的身邊人又稱軒仔自「病從口入」後，頓聞蠶豆色變，飲食變得相當小心，且比以前更注重身體，勤做運動加強體魄。

本來各有各圈子的Janice Man(JM)及謝霆鋒大纜都扯唔埋，但據可靠消息指兩人經一次友人聚會而結識後，一見投緣，暗地擦出愛火花，JM近日更以女友身份出席霆鋒的友人飯局！

本月初，霆鋒與公司「PO朝霆製作」拍檔楊文傑(Dennis)慶祝生日，特意於中環置地廣場四樓的米芝蓮星级法國餐廳L’Atelier de Joel Robuchon包房慶祝。當晚八時許，打扮斯文的JM從後門進入餐廳，會合楊文傑兩夫婦，不到半小時霆鋒亦現身。

相視甜笑 主動餵食

姍姍來遲的霆鋒一到埗，随即坐在JM身旁，在Dennis面前完全零戒心，不斷與JM咬耳仔，更多次主動搭着她膊頭！兩人頻頻相視甜笑，好不溫馨。明顯Dennis已一早知悉霆鋒與JM的情侶關係，除不時與JM交談外，見到他倆如糖黐豆般煙韌也完全見怪不怪。不時攬著JM的霆鋒當晚話題多多，而JM亦不時主動餵食，霆鋒照單全收零抗拒。昔日前妻張栢芝同樣有向霆鋒餵食的前科，想不到JM也照辦煮碗，一樣收效！當晚的四人飯局十分盡興，吃了差不多三小時，JM與霆鋒最後前後腳離開餐廳，明顯是怕斷正，非常小心！

為免刺激前妻玩低調 落寞JM苦悶掃絲襪

霆鋒為免刺激前妻栢芝，也不想外間知道戀情，所以一直採取保密政策，不欲張揚，新戀情也只有身邊幾位好友知道。與霆鋒打得火熱的JM見男友堅持保密，而且態度強硬，本來有意公開戀情的她也被迫偷偷摸摸苦戀，明戀變「暗戀」，未能愛得光明正大，做女仔梗係覺得委屈。

「霆J戀」愛得低調，不敢隨便相約見面，連日來見霆鋒都是在助手陪伴下開工，以及跟拍檔返公司PO朝霆開會，收工後亦獨自到中環食雪茄，只間中見他一臉冧笑講電話，基本上生活跟平日無異，保密戀情工夫確係到位，以「不見為妙」為上策。霆鋒在港期間，連日來JM都是獨自外出打發時間，也不敢探班會愛郎，現居屯門的她日前山長又水遠，駕車到尖沙咀買絲襪，雖然向來貪靚，但見她完全沒有享受到濕平樂趣，在店中一臉悶悶不樂，即使有店員介紹新貨，她亦明顯心不在焉，只隨手掃了大堆絲襪，然後轉場到圓方會合女友人撐枱腳。飲飽食醉後，一行人離開餐廳時，見JM依然一副慘樣，兼且交叉雙手若有所思，送友人返家後便隨即獨自返屯門。不夠兩日，JM又再出動，由屯門駕車去中環做Facial扮靚，期間依然沒精打采，做完Facial後更沒心情行街，立即駕車趕返屋企。

忽然1周 第958期

12月無綫頒獎禮各小生花旦鬥得如火如荼之際，無綫首席小生林峯卻懶理獎項，靜雞雞偕女友吳千語飛日本 9天，共度他 34歲生辰。

據知林峯為冧千語，每月動輒花上 7位數字，難怪林峯今年沒有為無綫拍劇，反而向公司要求返大陸拍劇、開騷，密賺人仔。而比女友大 14歲的林峯，為了綁住千語，早前更放聲氣指自己 ready做老竇，暗示隨時閃婚。今次日本之旅，兩人首晚到大阪，匿酒店房「盡興」足足 18小時後，再甜蜜行家品店，儼如小夫妻。

香港機場前後腳

今年沒有為無綫拍劇的林峯，上月完成了大陸劇《大漢賢后衞子夫》，趁 1月無綫劇《使徒行者》未開工，便向公司請了十天假，與女友吳千語飛往日本慶祝自己 12月 8日的 34歲生辰。
「今年阿峯冇同無綫開劇，反而返大陸狂搵人仔，因為依家要照顧千語 BB，個個月一百幾十萬走唔甩，佢唔搵多啲錢點得。阿峯自從拍拖後，對獎項反而唔在乎，總之一有假期就會同千語飛去外地疏乎，狂買名牌。」

關西機場拖手
晚上接近九時抵達大阪關西機場，林峯、吳千語準備搭的士離開。兩人拖到實，認真癡纏。

周一（ 2日）下午六時多，吳千語先行登記，全程戴黑超，只係過海關時除下一陣。

十多分鐘後，輪到林峯現身。過海關時，林峯收到 BB電話，催他快些會合她。

送自己咪係最好嘅禮物囉！(設計對白)

前後腳入閘

換完錢，林峯錢都未袋好，就急住去會合 BB。反而 BB見到錢就好緊張，提醒林峯即刻袋好。

12月 2日下午 3時許，林峯與千語 BB乘坐同一架保母車到赤鱲角機場。不過，兩人甚為避忌。為了掩人耳目，千語先到櫃位 check in，十多分鐘後，林峯才徐徐下車入閘。今次大阪連東京 9日旅程，商務機票連食宿購物，估計要豪花百萬。不過峯峯豬對女友一向疏爽，當然冇計。
兩人到關西機場後，警戒性甚高，不時兩邊望，直至感覺安全後，才手拖手步出機場。千語 BB站在一旁發呆看住行李之際，林峯已急急換錢。跟着兩人乘的士，約晚上 10時抵達大阪中央區的 The St. Regis酒店。
他們匿在房內「盡興」 18小時後，翌日傍晚出動。戴上口罩的林峯，突然拖住 BB從後門溜走，記者來不及追蹤。不過，有香港 fans報料，指兩人在心齋橋的大丸百貨公司購物：「傍晚 6點，見到林峯同吳千語喺大丸喪買，女嘅仲攞住部相機一路買一路影。我見到林峯最少攞住四袋戰利品，其中兩袋係電器，千語仲買咗部最新款嘅美容機?。林峯又戴口罩又戴超，好難睇佢唔到。」
據知今次日本之旅，費用就林峯俾，但酒店及行程卻是千語話事。千語為冧男友，更預先準備了一系列驚喜給林峯。她知道阿峯愛食生蠔及海鮮，便提議到大阪的道頓崛擦松葉蟹，加上心齋橋附近亦有不少玩具店，啱晒男友心意。兩人打算在大阪逗留三天後，再乘子彈火車直落東京 shopping。
第三天下午 2時 45分，林峯與 BB鬼祟地從酒店側門離開。阿峯警覺性並沒有鬆懈，臨出酒店前，着 bell boy幫他截的士，但他卻刻意行到車龍尾，上最後一部的士，杜絕有人追蹤。

單拖換錢

一落機，林峯自己去銀行換錢， BB就睇住行李。林公子平日出入有人照顧，依家就服侍女友，真係世界輪流轉。

急住上房

兩人搭的士去下榻的酒店 The St.Regis。抵達時已經十點。雖然林峯一臉倦容，但難掩興奮之情，急步同 BB攞房。

豪住六星酒店

今次林峯同千語 BB先遊大阪再去東京，「峯語」會在大阪留三晚，之後就搭子彈火車到東京瘋狂掃貨。要着好、食好同住好的 BB，在大阪亦揀選最靚酒店之一的 The St. Regis入住。
The St. Regis位於中央區，鄰近心齋橋，屬六星酒店，行去 JR站只需 5分鐘，非常方便。入住 The St. Regis普通房間都要 2千 7一晚，而「峯語」所住的 Grand Duluxe Room約 500呎，有 King size大牀，仲有 Blu-ray機提供，盛惠 4千 2一晚。

豪華大牀

開放式浴室

鄰近名店酒店附近就有一間巨型的 Hermès專門店，啱晒最鍾意大手購買名牌的千語 BB。

回馬槍截記者

雖然林峯同無綫未傾妥續約，不過黃百鳴講到明唔會趁火搶人：「我哋同林峯關係咁好，唔需要一定簽佢，有啱佢嘅劇本都可以搵佢拍。」

之後兩人到了梅田區最新的大型商場 Grand Front，在商場南座搵食。一入電梯，林峯終於發現記者，然後背向電梯門，對在旁記者眼望望。到了七樓時，他刻意讓記者先出，記者轉向左方走，林峯便拖住女友轉右。當記者轉身拿出相機打算拍照時，本來轉了右的林峯，卻突然來一個回馬槍，幾個箭步跑到記者跟前。
記者被嚇一跳，仍跟他打招呼，笑問千語 BB將送甚麼禮物給他慶生？只見千語含羞答答一味甜笑，而旁邊的林峯則搶着說︰「我唔會答你嘢！你唔好阻住我哋！」兩人嘆完日本菜後，便在商場逛家品店 Soholm Cafe，睇完沙發再睇餐枱，更即時買了鯊魚公仔手套，甚有小夫妻 feel。

拖實行街

兩人去梅田區地標商場「 Grand Front Osaka」行街，沿途兩人一直拖手，見到食肆更不時停低睇餐牌。

兩人最終揀了「 Nana’s Green Tea」，合共食了二百港元左右。

醒目的峯

周三（ 4日）下午三時，林峯同吳千語離開酒店搭的士。的士站本來有四架的士，但林峯刻意乘坐最後一架的士，以防被人跟蹤，十分醒目。

搏命搵 vs搏命使

林峯年賺 6千多萬，雖然佢搵錢容易，不過同 BB拍拖只是短短一年， BB已經豪花林峯近千五萬。呢個 BB唔易養，林峯真係要搏命搵錢！

林峯恨生仔

在娛樂圈打滾了十多年的林峯，近年豬籠入水，加上本身有家底的他，現階段真是想組織家庭，尤其見到身邊好友個個結婚生仔，他亦開始想成家立室。早前，阿峯拍罷電影《詭嬰》後，坦言很想做老竇，並計劃生一子一女︰「三十多歲有小朋友差不多了，我唔想有代溝。」而千語亦配合話視對方為結婚對象。她深知做林家媳婦要過關斬將，皆因林父對她有微言，若最後都過唔到林父嗰關，林峯同千語分分鐘可能來一招「米已成炊」都話唔定。
據知今次日本之旅前，林父（林華國）曾講到出口，提醒個仔「搵錢辛苦，應使得使」。皆因上幾次的旅費太驚人，嚇窒林父。「上次阿峯去完米蘭返嚟，卡數差唔多成三百萬，其中一條鑽石手鏈仲過百萬。以往阿峯點會使錢使得咁誇張，林爸爸亦心裏有數。所以成日提醒個仔拍拖同結婚係兩回事，不過阿峯就瘟女大過天，當然聽唔入耳。」知情者說。
雖然千語強調同林峯講心唔講金，不過看其周身名牌、出入名店的頻率，加上之前又游說男友買三百萬 Aston Martin跑車及億八舂坎角豪宅，野心不小。林峯兩度因為老竇反對未有送車送樓給 BB。

買童裝

鍾意細路的林峯，掃貨不忘買嘢俾姪女。只見他在 Zara Home買了裙仔同鞋仔，盛惠 15,000日圓（約港幣 1,135元）。

BB揸數

換錢係阿峯，不過，揸數卻由千語 BB負責。

試餐椅

兩人在傢俬店 Soholm Cafe睇餐枱，千語更拉埋男友試坐一套 31萬日圓（港幣約 2萬 5千）的餐枱椅。之後他們買了個價值 3,990日圓（港幣約 300元）的鯊魚公仔手套。

一大袋

行完家品店，兩人再戰 Zucca，買了一大袋後，兩人嘆下午茶，之後 BB同林峯一齊去廁所，但記者發現廁所只有女廁，原來兩人已從後門離開。

買鑽石保值

據知千語 BB最近是以保值為名，開口叫林峯送鑽石。「千語猛向阿峯落嘴頭，話想儲鑽石保值。女友開到聲，阿峯當然識做，依家送下送下都唔少。」
日本之旅後，林峯將會立即為無綫拍新劇《使徒行者》，但因為女主角佘詩曼手癱未能開工，兩人的對手戲要押後。林峯可能又會多幾個假期同千語 BB蜜運了。

細佬唔 like

林峯弟弟今年五月大學畢業。林峯一家及表妹林夏薇親自到賀，弟弟將親人合照放上網，但冇 BB分。

林父拒交流

雖然吳千語都有份出席畢業禮，不過就同未來老爺坐到離行離列，而兩人全程零交流。

視頻：大阪直擊

【馬賽風雲之撕破面具】現年26歲的馬賽被爆硬撬富婆Laura牆腳，跟內地有米女製片汪子琦玩斷背，為挽救破產形象的她扮喊博同情。據知汪子琦早前看清馬賽貪錢真面目，已主動跟她分手，昨更在微博狠插馬賽謊話連篇。Laura則踢爆馬賽在雪藏期間拖媽咪跟汪子琦遊世界，馬母更拍下二人啜爆相，母女檔呃汪子琦。Laura怒插馬賽冇人格：「佢係一隻狐狸，我要撕破佢呢層面具！」

馬賽被指做小三，令汪子琦與Laura的7年情分手收場，惟馬賽攣情曝光後一度死撐，指時間可證明一切，形象跌落谷底，早前更被無綫雪藏。還以為馬賽閉關靜思己過，據知，她卻懶理被雪，上月拖媽咪跟汪子琦蜜遊新加坡、越南及柬埔寨，馬母則親自拍下馬賽與汪子琦的啜爆相，證明母女都是大話精！

■馬賽（前）被雪藏期間，原來跟汪子琦拍拖遊世界，看她當時還身穿水着勁風騷。

消息指馬母要求汪子琦將名下2千萬半山豪宅轉名送馬賽，而馬賽又要汪子琦除掉跟Laura的定情戒指交她保管，汪子琦才醒覺馬賽有計謀，知道自己睇錯人。二人不時鬧交，馬賽就發爛渣，兩母女一哭二鬧，汪子琦終提分手。初時馬賽不肯放手施軟功，至雜誌爆汪每月給20萬家用、汪家人阻其將豪宅轉名，馬賽擔心汪子琦表姐毛玉萍出手，即向無綫求救，聲稱知錯已放低汪子琦，馬母更謂女兒抑鬱想死。

■馬賽（左）帶埋媽咪跟汪子琦遊埠，心情靚爆。

■汪子琦（右）與馬賽攬啜任影，拍照的竟然是馬賽媽咪。

■Laura

■汪子琦在馬賽身上花了不少錢，圖中的Chanel手錶是禮物之一。微博圖片

汪花200萬o氹馬賽

汪子琦看清馬賽真面目，昨在微博插爆舊愛：「曾以為最是真心載不動，可是奔赴千里之後，才發現不過是一場設計，這三個月我付出的真心、無微不至地照顧，換回來的不過是你的謊話連篇！這幾年我已經慢慢學會接受，接受意外，接受現實的殘忍和人性的殘缺。心痛絕望……但我真的很對不起Laura！因為懂得，所以慈悲，不是每個人都有資格說的！」

馬賽喊爆出「櫃」之騙中傳奇

■（左起）馬賽、汪子琦及Laura曾結伴歐遊，但此情不再。資料圖片

昨身在日本的Laura不屑馬賽所為，提供馬賽母女與汪子琦遊世界的相片，還有汪子琦花在馬賽身上的銀行支出，包括家用（約13萬人民幣，下同）、卡地亞戒指（約2萬）、Chanel手錶（約8萬）、珠寶首飾（約16萬）及機票等證據，力證兩母女都是大話精。對於馬賽施喊功挽形象，Laura接受電話訪問時說：「佢好耐冇拍劇，扮嘢騷吓演技博同情，佢就係一隻狐狸，我唔會俾佢再呃，一定要撕爛佢呢層面具，聽講佢有最佳女配角提名，佢啲戲真係幾好，佢係好恐怖女人。」她估計汪子琦共花約200萬在馬賽身上。

問到是否覺得母女檔呃人？Laura說：「直情係啦！佢哋同汪子琦一齊出埠，啲相證明到媽咪幫佢哋影，佢媽咪都笑得好開心，默認個女搶人男友，兩母女根本喺度做戲，使乜接受訪問同媽咪道歉，喺屋企道歉咪得囉！佢唔認係第三者，硬搶人男友扮真愛，真係好cheap，以為自己真係女神，地球圍住佢轉。」

毛玉萍勸帶眼識人

問到覺得馬賽人格如何？Laura冷笑說：「人格？佢冇人格，佢以勝利者姿態飛上海箝住汪子琦去遊山玩水，o依家又出嚟講乜承受壓力、抑鬱，抑鬱都可以咁風騷，我諗全世界死，佢都唔會死住。」對於馬賽稱被出賣，她激動地說：「好想知邊個出賣邊個，佢為私慾金錢工作機會出賣我，爭我條仔，真係好搞笑！」對於汪子琦在微博跟她道歉，兩人會否復合？她嘆氣說：「可以釋懷，但唔會再一齊，因為有傷害，希望再見係朋友。」

對於表妹汪子琦人財兩空，毛玉萍受訪時說：「表妹啲嘢唔想理咁多，不過早排見佢真係好唔開心，我只係希望佢帶眼識人。」而馬賽的過氣緋聞男友吳卓羲昨日現身時說：「呢啲新聞好快過去，香港人好健忘。」

馬賽又借屋企博同情

■馬賽在節目訪問時，淚流披面。電視圖片

被狠批是大話精的馬賽，昨晚現身將軍澳時死撐：「之前處理新聞做得唔好，第一次出嚟見傳媒好驚好緊張，其實我唔係好擅長言詞嘅人，亦驚講錯啲嘢令屋企人唔開心。」是否跟汪子琦分手？她說：「我哋曾經係好好朋友，o依家所有嘢結束咗。」她否認為工作放棄感情，對於汪子琦在微博鬧她謊話連篇，馬賽眼泛淚光，但依然喊唔出：「唔想講啲傷害人嘅說話，今日有好朋友同我講，真正放低係睇唔到聽唔到，呢句說話希望我做到，我祝福佢一切都好，自己都好似發咗一個夢，夢醒了所有都結束咗。」

冇膽認出櫃

馬賽用好好朋友形容與汪子琦的關係，是否不想承認同性戀？她支吾說：「感情好私人，希望大家畀空間我。」馬賽指現跟汪子琦沒聯絡。至於馬母爆她有富二代男友？她說：「o依家係單身，想重新過自己簡單生活，呢件事傷害我屋企人。」記者指拍拖很正常，為甚麼會傷害人？馬賽說：「我嘅行為任性令家人擔心。」記者追問她的性取向，馬賽依然冇膽認出櫃：「我覺得真愛唔分性別年齡階級。」至於被雜誌影到在新加坡豪賭，馬賽強辯：「我冇賭博，係陪朋友去。」問對方是否汪子琦？她拒答：「所有嘢都過去咗，請大家畀空間我。」

■馬賽昨晚現身受訪，全程哭不出來。

此外，馬賽在昨晚播出的電視節目訪問中邊喊邊說：「見到屋企人為你好擔心，為你嘈交，媽咪食唔落飯，佢真係蒼老咗好多，會好心痛，覺得自己好唔孝順！」

馬賽喊爆出「櫃」之　時間證明攣情

馬賽由被揭發攣情以來，態度180度大變，引證她那句「時間可以證明一切」。

8月中
馬賽、汪子琦及Laura歐遊一個月，有指費用由Laura包起。

11月5日
馬賽在活動上以「時間可以證明一切」及「斷章取義」作擋箭牌，只認與汪歐遊。但她與馬尾妹態度親暱，更買外賣到女方香閨。

11月6日
馬賽上海啜爆汪子琦斷正，無綫即勒令她停工兩個月。

11月8日
Laura與汪子琦斬纜，馬尾妹只屬過客，最終馬賽獨贏汪子琦。

11月13日
Laura以「披住兔皮嘅狐狸」形容馬賽，指她攻心計及愛名牌。

11月29日
馬賽在微博發表寬恕論，Laura直斥荒謬，歪理當真理。

12月7日
馬賽閉關一個月，終獲無綫安排在演出《歡樂滿東華》。

o靚模許穎（Phoebe）師妹梁晶晶（Bonnie）今年接師姊棒出寫真集，自爆同台灣藝人柯震東晚晚傾電話，又喑示跟對方一夜情，有傳一度令柯跟女友蕭亞軒嗌分手，柯其後在微博寸Bonnie「活在自己的幻想世界」來否認緋聞，Bonnie雖然外表不甚出眾，但卻因緋聞紅到過台灣，總算有赚！

Bonnie最近剛拍完電影《喜愛夜蒲3》及無綫節目《玩轉世界盃》後，即飛韓國有名的整容醫院BK大執，記者全程直擊，上月中，Bonnie向經理人公司借三十萬，加上自己的積蓄，飛去整容國韓國首爾執靚個樣，打算開眼頭、削腮骨、隆胸、縮鼻，但經BK整容醫生認為她臉形唔靚，建議整靓個下巴以及瘦面，Bonnie為追求完美，急向公司再借二十萬，一鑊過變臉。Bonnie經過臉、胸多次整形手術後，形容感受係痛不欲生，佢話：「痛到瞓唔到，bra又戴唔到，攤喺床成個禮拜，喺嗰邊住咗兩個幾禮拜，驚腫到咁過唔到關！不過諗起變靚後個樣就滿足，希望可以接多啲job，有助喺娛樂圈發展！」

藝人的感情生活向來備受關注，近年連星二代亦成為傳媒追訪對象。前無綫藝員、歌手、張智霖表姐上山詩鈉的16歲女兒Hilary戀愛大過天瞞住阿媽拍拖，與份屬同學的男朋友Sam在銅鑼灣扮樹熊，大街大巷又揽又抱又錫。鍾鎮濤（阿B) 與前妻章小蕙所生的女兒鍾嘉晴同樣沉醉於愛河中，與煙剷男友當街咀嘴之餘，更送上門到男方家中短敍。另外苗僑偉與戚美珍的一對仔女經常上載與另一半的親密照大晒恩愛！

（第835期《東方新地》）

上山女兒與男友當街咀

上山詩鈉的感情生活多姿多采，為第一任丈夫Edmond於97誕下女兒Hilary，離婚後再下嫁任職警察的小寶，可惜最後都是離婚收場。經歷過兩次婚姻失敗的她，曾一度與俞琤過從甚密。上山現時感情仍末有着落，反而其16歲女兒Hilary「青出於藍」，與同學仔Sam拍拖两年。處於熱戀階段的她與男友十分癡纏，早前在銅鑼灣希雲道上演一場肉搏戲，熙來攘往的行人無阻一對小戀人的激情。在街頭等候男友的Hilary表現得非常焦急，見對方未出現先使出奪命追魂call。3分鐘後男友終於現身，Hilary二話不説衝上前施展一招迷魂鎖箍頸，男友見狀以一招熊抱反喂。糾纏一輪下難分勝負，最後二人攬作一團互咀，就算四圍的行人望到實，一對小情人懶理照錫可也。

瞞住阿媽瘟仔

樣貌盡得阿媽真傳的Hilary，眼大鼻高嘴細、外貌鬼鬼哋，加上均匀的身材，深受男同學歡迎，實屬校內風頭躉的 她身邊有不少觀音兵随時效命。上月尾Hilary到銅鑼灣補習，有另一位男同學相伴，年紀小小的她感情生活不比阿媽弱。不過對於女兒拍拖一事上山全不知情，上周問及此事她只知Sam是女兒的同學，更大讚對方是乖仔一名。當遞上Hilary與Sam在街頭肉搏的照片，上山呆了幾秒才有反應回答：「我唔知佢拍拖，佢都16歲啦，拍拖都冇所謂，但喺條街度又攬又錫始終唔係咁好，我返去會話吓佢！」

B女送上門

鍾鎮濤與章小蕙所生的女兒鍾嘉晴现年18歲，情竇初開的她日前由中半山住所出發，先坐巴士再轉地鐵到達男友太古城家中，溫馨短聚兩小時後齊齊去Starbucks買了一杯咖啡兩份飲，再坐近門口角落位置做功課，期間B女不時輕摸男友頭髮。之後B女繑實男友走人，沿途肥仔邊行邊煲煙，行到花槽又煲多支，煙瘾相當大。在暗黑的環境下，二人情不自禁熱吻起來，B女完全不介意男友滿口煙味。

章小蕙懶理

其實B女春心蕩漾有跡可尋，以前多作男仔頭打扮的她近年開始注重打扮，instagram不時上載化妝扮靚相及與男友仔共處一室依偎照。B女後母范姜幾個月前接受訪問曾透露女兒暫未拍拖，且不准她去夜街。對於B女今次夜麻麻送上門一事，范姜睇到相後強裝鎮定表示認識該男子，力撐B女好乖，作為B女親生母親的章小蕙被問到女兒拍拖一事十問九唔答，與仔女關係疏離的她，應該不太清楚女兒的近況。

苗彤收斂玩專一

那邊廂Hilary深得阿媽真傳豪放熱情、B女靠真愛彌補家庭缺失，這邊廂有三哥三嫂呵護備至的22歲女兒苗彤玩細水長流。苗彤身材惹火，遺傳了父母標致外貌身材火辣辣，從小就讀國際學校，鬼妹性格夠奔放，09年流出三點式攬仔照，趷籮啜仔、戰鬥格劈酒夜蒲應有盡有，被揭喜愛夜蒲，當時三哥告誡她要檢點，並謂：「我有同佢講識多啲男仔都唔怕，多啲選擇。」其實三哥怒火中燒，暗地着女兒要小心處理私照，最緊要唔好蝕底俾男仔，更要求她即時與夜蒲韓籍男友斷纜，再將她放逐加拿大UBC升讀大學，可幸苗彤即時醒水，在加國認識了年紀相若、貌似周浚偉的男友後，一改爛蒲性格玩專一，兩人感情穩定，不時在社交網站大晒恩愛照片，鏡頭前點到即止，據知在加國讀書的翻版周浚偉，曾隨女友訪港會三哥三嫂，見面後三哥覺得他甚為純品，默許二人拍拖，不過仍向女兒教路，要識多幾個朋友，有多點選擇，上月苗彤大學畢業，一家到加國觀禮，苗彤男友亦隨行，甚得三哥歡心。

東周刊 第537期

三十九歲的馬國明（馬明），因為鮮有「負聞」、形象乖乖，所以被視為圈中筍盤，盛傳許多女星爭食這塊「唐僧」肉， 認真巴閉！不過，據悉，馬明自〇六年與朱慧敏（Queenie)拍《古靈精探》車廂激吻後，一直保持聯絡，知情者爆料説：「兩個月前，Queenie同Eddie(彭懷安）分手後，佢哋就經常見面，馬明仲成日管接送添。」

日前晚上，記者在電視城門外，就發現朱慧敏行色匆匆走了半條街後，跟着急腳跳上馬明一早停泊在路邊的車上；可惜，兩人卻發現有記者追蹤，她於是急急腳跳車避嫌。其實，甜絲絲的朱慧敏都已經在微博發布兩人的頭貼頭「蜜」照哂恩愛，何不公開大方戀愛呢？

車廂激吻

〇四年港姐亞軍、三十二歲的朱慧敏(Queenie)，與EO2成員兼華星冰室老闆彭懷安(Eddie)拍拖兩年，縱使兩人被傳媒經常拍得行街、shopping甚至乎在沙灘鴛鴦戲水，她都一直死口不認。不過，這樣卻造就了Eddie以單身名義外出夜蒲溝女，去年Eddie便被雜誌拍得背住女友夜蒲攬女，月前就傳有人目撃到Queenie終於忍無可忍，趁Eddie在電視城拍劇集《飛虎》期間找他理論，女方更怒吼：「你有冇理過我感受……成日講大話！」

據悉，Queenie自小在單親家庭長大，所以極度嚮往有一個屬於自己的小家庭，而自年前的「車震」事件後，她變得非常深閨，放工後愛回家、愛煮番幾味，反之Eddie仍未定性，喜愛夜蒲。好友億述：「同Queenie拍拖初期，Eddie都會一齊做住家男，久而久之佢就出番去蒲。Queenie係一個咁想結婚嘅人，明知Eddie唔啱佢，惟有忍痛分手。」

至於現年三十九歲的馬國明(馬明)，除了被視為圈中筍盤更是高登男神，盛傳圈中不少女星都對他趨之若鶩，例如：唐詩詠、岑麗香、朱晨麗等，可惜出名生活乏味的馬明，未有動容。一一年與胡定欣分手後，兩年內dry到爆！直至月前Queenie失戀，一次的偶遇，令兩人開始過從甚密。好友爆料説：「佢哋〇六年拍過《古靈精探》嘅車廂激吻戲之後，一直都有聯絡，加上最近Queenie分咗手後，佢哋就更加成日見，馬明仲不時做Queenie嘅柴可夫。」

想必是難掩心中的喜悦，Queenie於是在微博上載與馬明的頭貼頭合照。相中，在拍古裝劇《寒山潛龍》的馬明為見女友，不惜在休息期間過廠探望正在拍《愛·回家》的Queenie，好不溫馨！

險象環生

日前，晚上九時許，記者在電視城門外看見剛放工，換上了一身便服的Queenie，她行色匆匆兼神神秘秘走到了距離電視城半條街的地方。原來馬明一早泊定車在等候伊人；不過始料不及，有一班粉絲竟然發現他們的蹤影，跟着還將他們重重包圍。而當馬明發現記者拍攝時，立即開車頭燈「撐」着記者的相機，以免被攝入鏡頭。至於，醒目的Queenie見狀即急步跳上車；其後，馬明試圖cut了幾次線避開追訪，險象環生，可是卻未能擺脱。最終，馬明載着女方返回清水灣半島的香閨，不過卻在遠離屋苑的路邊停車，太沒風度啦！

而為免再被記者撞破，Queenie近排已不敢坐馬明的車而選擇乘搭的士，可是上周初，她卻在搭的士時，因為司機駕駛態度問題發生爭執，雙雙要到警署報案，沒有了馬明做柴可夫，她立即出事，看來馬明要諗個辦法解Queenie的出入問題。

朱慧敏讚馬明風度接載

朱慧敏被拍到坐馬國明車傳緋聞，她甜笑說整件事很簡單，是工作後她想叫的士返家，馬國明有風度載她。有指馬明是筍盤？她笑言留給大家。因她名花有主？男友Eddie（彭懷安）有否呷醋？她稱此事上沒聯絡Eddie，但主動幫男友澄清非爛蒲。馬國明表示朱只是坐順風車。問有否覺得自己輸給EO2的Eddie？馬國明則說：「情人眼裡出西施。」

3週刊 第740期

本月16日，是無綫一年一度的盛事《萬千星輝頒獎典禮》，每年視帝、視后之爭，必定成為全城焦點，但今年台慶劇《衝上雲霄II》卻是眾望所歸，劇中兩位男主角cool魔張智霖及Sam哥吳鎮宇，雙雙成為視帝大熱，但鎮宇早已講明不會出席台慶頒獎禮，比起Chilam打開口牌，表明盡量度期出席，Chilam贏面自然高得多。

Chilam雖然暗示獎到人到，但勝負仍是未知之數，無綫有兩匹黑馬走勢凌厲，分別是《OnCall 36小時II》的馬國明及《巨輪》的陳展鵬，馬明向來聽教聽話，和公司續約時完全冇跳草裙舞，比起將會約滿離巢的陳豪及林峯，更得高層寵信，而展鵬則是新紮小生，連拍《巨輪》、《單戀雙城》等多齣劇集，狀態大勇，至於視后則純粹是鍾嘉欣及徐子珊之爭，嘉欣五劇輪住上，觀眾大讚她演技出色，贏盡民心，絕對有力問鼎視后。

無綫台慶頒獎禮的視帝、視后殊榮，每年一班藝人都會爭崩頭，但無綫慣例公司的親生仔女（包薪合約藝員）贏面較高，但隨著電視免費牌照風波，無綫亦轉為尊重民意，視帝、視后獎項，會由「全民投票」、「專業評審」及「全台投票」選出，而今年帶起全城熱話的台慶劇《衝上雲霄II》，無疑是眾望所歸，觀眾擊節讚賞的劇集，不但有力問鼎「最佳劇集」，而劇中兩位男主角cool魔張智霖及Sam哥吳宇鎮，更魅力沒法擋，電暈一班OL及師奶，二人順理成章成為視帝頂頭大熱。

據知Chilam擔正的《衝上雲霄II》播映後，人氣急升，無綫早有意將他羅致旗下，雖然其後Chilam簽約蕭定一，但他與無綫關係依舊友好，早前網民發起熄電視行動，Chilam即力撐無綫，「冤有頭，債有主，今次矛頭好像指錯，對他們不公平」。而Chilam每次被問到有否信心在台慶贏得視帝，他雖然說以平常心面對，又說「我信選舉公平」，Chilam更表明會盡量度期出席台慶頒獎禮，對比起早已贏過金像獎影帝，又講到明不會出席頒獎禮的鎮宇，獎項花落誰家，無綫高層心中有數。

為獎放棄50萬人仔

其實視帝誰屬早已露出端倪，Chilam落實明年會接拍《衝上雲霄》電影版，近日又會錄影《獎門人》節目，更傳出Chilam為能夠如期出席頒獎禮，推掉了湖南衛視一個50萬人仔酬勞的節目，可知Chilam對視帝非常重視。另外，Chilam在活動上，便自爆和太太袁詠儀打賭，如果輸了視帝要送一隻6位數字的手鐲給靚靚，而贏得視帝寶座，靚靚則會請他食3個月飯，Chilam言談之間已經顯示志在必得。Chilam識做，無綫亦投桃報李，收費電視推出《我們的張智霖》系列，而免費台則播放Chilam舊作《西關大少》，務求再將Chilam人氣推得更上一層樓。

Chilam雖然奪得視帝呼聲甚高，但仍存在變數，尤其是無綫的兩位親生仔馬國明及陳展鵬，均被視為視帝黑馬。形象入屋的馬國明，是新一代師奶殺手，效力無綫多年一味拍劇，多次放棄在內地掘金的機會，他和無綫續約又甚為順攤，而今年的《On Call 36小時II》便有意造就他贏得視帝，可惜馬國明劇中角色「一件頭」反應一般，能否在最後階段扭轉乾坤，便要看大結局時馬國明的表現，不過馬國明自言「對手好強，但唔會放棄，仍會盡最後努力」。至於另一匹黑馬陳展鵬，今年已連拍《巨輪》、《單戀雙城》等劇集，走勢凌厲，雖然他拍劇機會不斷，但始終在無綫年資尚淺，要贏過人氣大熱Chilam，看來仍要加把勁。

由黃子華擔正的《My盛Lady》，便盛傳他是回巢為無綫收視救亡，雖然現時該劇口碑收視不俗，但子華承認已和無綫冇約，又說有得提名視帝已經當贏。其實以子華的藝術家脾氣，在拍過《My盛Lady》後，已未有新題材令他動心，該劇隨時是他在無綫的最後一劇。

陳豪林峯外闖 祥仔失守

蕭正楠今年有份角逐視帝、最佳男配角、最受歡迎電視角色及飛躍進步男藝員，故其心情亦相當興奮，「我今年係第一年正式參加頒獎典禮，之前每次都係被安排拍劇，喺拍劇途中望吓電視，望吓同事參加比賽，坐晒喺度著到好靚，用好緊張心情等宣佈。今次我都係初哥心態，參與為主，但都好開心，我覺得係運氣，今次自己有四個獎項提名，我見到好多都係前輩，好似我嗰日喺公司記者會，我身邊提名男配角嘅全部都係好戲之人，我覺得企到喺台度、同呢班人一齊已經好開心，因為有觀眾認同你嘅演技，當然獎項要當晚先知，平常心啦，如果有獎就當然開心啦。」

鍾嘉欣簽長約「有獎」

對比起台慶頒獎禮視帝之爭，今屆視后卻較為簡單，純粹是鍾嘉欣和徐子珊兩位花旦之爭，嘉欣曾憑《點解阿Sir係阿Sir》的Miss Koo 一角，贏盡口碑，而她和黃宗澤合作的《護花危情》，亦成為全年最高收視劇集，但嘉欣始終與視后無緣，但她卻未有詐型，繼續默默拍劇，而今年5月，他在《玩嘢王》中，爆喊反玩魔術師的逼真演技，便贏得全城掌聲。至今年和陳展鵬、蕭正楠合作的《巨輪》，嘉欣演技更是大躍進，加上她早於2010年拍攝《蒲松齡》，據悉已和無綫加簽了10年長約，以無綫「有獎有罰」的慣例，視后早已是嘉欣的囊中物。

但嘉欣亦不能對另一位視后候選人徐子珊掉以輕心，子珊先有夥拍謝天華、張兆輝的《神鎗狙擊》，現時熱播的《My盛Lady》，子珊又和黃子華有甚多對手戲，有一代笑匠帶挈，子珊的叫座力亦不容忽視，成為嘉欣贏得視后的攔路虎。

視帝視后藝人們鬥餐飽，至於其他獎項則是君子之爭，和無綫關係友好的周麗淇（Niki），先後拍過《女警愛作戰》及《好心作怪》，也是叫好叫座之作，Niki便穩奪我最喜愛女角色。無綫福將王祖藍，近年雖然不時回內地登場賺人仔，但他憑《老表，你好嘢》的蔡芯一角，贏得「我最喜愛男角色」。至於最佳男配角及最佳女配角，便分別由蕭正楠及胡定欣奪得。另外，在《法外風雲》被喪摑的王浩信，則贏得飛躍進步男藝人獎，至於《OnCall 36小時II》及《My盛Lady》也有份演出的王君馨，則贏得飛躍進步女藝人獎，亦算是他們演藝成就的肯定。

《萬千星輝頒獎典禮2013》賽果預測

最佳劇集：《 衝上雲霄II》

最佳男主角：張智霖

最佳女主角：鍾嘉欣

最佳男配角：蕭正楠

最佳女配角：胡定欣

最受歡迎電視男角色：王祖藍

最受歡迎電視女角色：周麗淇

飛躍進步男藝員：王浩信

飛躍進步女藝員：王君馨

3週刊 第740期

上星期在《My盛Lady》做「馬明」做到神憎鬼厭，但又叫觀眾笑爆嘴的林盛斌（Bob），近年人氣急升，工作更是接二連三，電台開咪、活動或晚宴司儀、電視、電影、廣告，簡直可以用豬籠入水來形容。從其社交網誌中可見到他幾乎日日都做足18小時，他亦不時對外說：「一家大細靠佢一個養，依家唔搏幾時搏！」

正所謂「財多身子弱」，據知幾乎全年無休的他，身體已出現了警號，早前他更在facebook中上載一張去睇醫生的照片，身體明顯出了毛病。日前記者就發現他公私兩忙，連食藥都要在附近的快餐店匆匆了事。面對記者追訪，Bob終於承認自己身體出現了毛病，用聲過度的他，更自爆已出現聲帶癌的初期徵兆！

上週六（7日）上午11時左右，記者發現人氣急升的Bob與孻女在何文田出現，當日他先後帶兩名愛女到學校面試，為了女兒的前途頻撲，父愛爆棚。之後又要到海洋公園及為《歡樂滿東華》表演，真正的公私兩忙。

星級爸爸家長注目

當日所見，Bob手抱沒精打采的孻女在何文田培正小學出現，當日Bob與女兒到該校的幼稚園進行入學面試。當Bob與女兒入到學校內排隊時候，曾引起一場小哄動，不少家長對這位「星級爸爸」的出現非常感興趣，引人注目。但未知是否因為時候仍早的關係，加上現場人數眾多及等候需時，令Bob不時目光呆滯及當眾「放蚊」，不過偶然遇上有其他家長上前打招呼，Bob亦禮貌地點頭微笑回應，亦有閒談數句，盡力在女兒面前做個好榜樣。

大約一小時後，與女兒面試完的Bob雙雙走出學校，兩父女齊齊到附近的快餐店用膳。大約半小時後，Bob嫂與大女兒到達快餐店，只見Bob嫂先行遞上一杯水，之後連同孻女，三母女先行離開，此時Bob就拿出一大袋藥極速食藥。之後就返回停在附近的白色平治，開車前往油麻地，只見Bob嫂手抱孻女自行下車走入一間診所，Bob就與大女兒就留在車內等候，原來當日Bob的孻女生病，因此Bob嫂需要帶女兒去看醫生。

帶女面試當眾放蚊

孻女看完醫生後，Bob就先送母女二人返回旺角寓所，之後與大女兒前往九龍城的宣道小學面試。同樣地學校門前有大批家長在等候，Bob唯有與大女兒排隊等候，女兒自己睇學校的宣傳單張，倦極的Bob就繼續當眾「放蚊」，或者偶然與同樣在排隊的家長交流心得。

大約半小時後，Bob的大女兒自行進入校內面試，Bob就鬼祟地走出學校，到學校對面另一條街抽煙，之後再極速走回學校等候女兒。大約一小時後，Bob接過面試完畢的女兒後，齊齊返回旺角寓所，此時Bob發現有記者離遠拍照，Bob似是有點不滿，望了望記者，便與女兒走回車上返回寓所。

「呢排身體有毛病」

大約一小時後，Bob再次步出寓所，記者上前欲進行訪問，Bob只是說：「影晒相啦，重有咩好問唔好意思，趕時間！」之後就開車前往海洋公園工作。完成工作之後就再走入電視城為《歡樂滿東華》演出。

翌日本刊致電Bob希望進行採訪，怒氣已消的他終於肯接受電話訪問。

B：Bob　3：3週刊

B：幫我同你啲手足講聲唔好意思，尋日語氣重咗，下次叫班手足影之前講聲，唔好咁突然，嚇親小朋友就唔好啦！

3：見你facebook成日話自己病，又upload睇醫生相，係咪財多身子弱呀？
B：唔係，有幾多財吖，都係搵餐晏仔啫……呢排身體有啲毛病咁囉。

3：見你日日都好多嘢做，真係由朝開到晚，係咪好辛苦？
B：又唔好咁講，都唔係好辛苦，只不過係可能因為用聲過度，條聲帶出現問題啫！

3：係咪聲帶生繭呀？要唔要做手術？
B：生繭都係小事，醫生話我之前成日用聲，又唔識點用，吓吓擘大喉嚨講嘢，加上又食得煙多，搞到條聲帶好傷，佢之前同我照內窺鏡，話條聲帶傷得好厲害，有聲帶癌初期嘅徵兆。

3：聲帶癌？咁咪好嚴重？
B：唔係，唔係……你哋千祈唔好寫到好嚴重呀，醫生只不過話用到條聲帶好傷，好容易會變成聲帶癌咁啫。依家好咗好多喇，準時食藥又準時覆診，我又搵咗個老師教我點樣發聲唔傷聲帶，早幾日覆診醫生都話我好咗好多，應該睇多次就唔使覆診。煙仔就已經食少好多，但俾啲時間我慢慢戒啦！

3：見你忙到要喺快餐店食藥，好慘咁囉！
B：其實係我唔想喺兩個女面前食藥，佢哋見親我食藥就唔開心，係咁問我：「爸爸你係咪病病呀？」，次次都聽到我好心痛，所以我盡量都唔會喺兩個女面前食藥！

3：有冇諗過減少工作呀？
B：話冇你都唔信啦，不過諗吓就得。大佬……我連埋工人姐姐一家五口等我養，唔做邊得掂呀……講真吖，出面大把人才，人家搵得我即係俾面我，你估真係冇咗我唔得咩，所以有job我有期通常都會接。不過經過今次之後，我會俾自己多啲休息時間，希望可以做到揀job咁啦，點都好……錢係重要，但健康更加重要，搵到錢冇命享，有鬼用咩！」

3：咁有冇做埋身體檢查呀？
B：邊有時間吖，遲啲啦……遲有時間就會去做，呢排個人好易攰，又成日冇精神，我估都應該有唔妥，有心喇大佬！都係嗰句，幫我同你手足講聲唔好意思，唔該晒，真係唔好意思。」

工作不斷年賺千萬

自從本年初Bob演出《老表，你好嘢！》之後即時人氣急升，除了主持《兄弟幫》之外，還多了不少活動司儀及晚宴司儀工作。據知他就算大幅增加費用至最少收費5萬，仍然其門如市。除了活動及晚宴司儀外，廣告亦大大增加，就像乳膠漆、電力公司、遊戲機公司、商品說明條例、內地購物網等等。本年4月，Bob成為《玩王》的整古目標，節目播出後反應理想，Bob的鎮定表現大獲好評，不少新人及公司都指定要找他擔任晚宴司儀，令他工作量及收入都大增，最近甚至有海味店以七位數字找他擔任代言人，連胸圍生產商及整容公司都找他拍廣告，但卻因為過不了自己而推卻，再加上電影及電視，保守估計他本年收入達千萬元。但卻因為工作太過頻密而休息時間不足，令他健康變差，名副其實的「財多身子弱」！

聲帶癌須頸項開洞呼吸

耳鼻喉專科丁顯顒醫生表示，聲帶癌起因與多用聲帶無關，他說：「患者多數係長期吸煙及飲酒所引起，而初期病徵有聲沙、口水有血絲、頸起淋巴核、食嘢容易哽親等等，而發病初可以用電療或做手術醫治，但如果再嚴重啲則要成個咽喉出嚟，喺條頸到開窿呼吸。」

FACE週刊 第342期

馬賽由直變攣同內地有米製片人汪子琦啜爆上海灘，嚇窒一班男粉絲之餘，更激嬲無綫被迫入雪櫃。人氣同事業直插谷底，又被汪子琦的富婆前度 Laura Lee喪鬧係「披住兔皮嘅狐狸」。純情 BB變狐狸精，馬賽終於出招博翻身，趁上週六（ 7日）東華復工，當眾喊住懺悔，更暗示同 TB汪已分手，唔再做同志。

據知馬賽今次主動認衰，除了希望洗底走出雪櫃，最主要係想翻兜「東莞李嘉誠」之子、家族擁百億身家的前男友簡建鋒。本刊上週五（ 6日）直踩東莞追訪簡建鋒，簡一聽到馬賽個名已黑面速閃。馬賽要復合應該難過扮同志。

做完東華，馬賽自己揸車返位於清水灣半島的香閨，大方向記者揮手「拜拜」，當晚未見馬賽媽同行。

復工頭炮，馬賽上東華表演「燕式平衡」籌款，但由於一直雪藏冇練習，馬賽表演唔足 1分鐘，真係去個廁所都睇唔到！

上月突然傳出硬撬富婆 Laura Lee牆腳，搭上有米 TB製片汪子琦的 26歲馬賽，最初死口唔認，仲大條道理鬧記者：「斷章取義、時間會證明一切」，點知轉頭即被雜誌影到兩人在上海當街啜爆，斷正之下無綫惟有急急將馬賽放入雪櫃，過一過冷河。

情敵狂爆大鑊

前途分分鐘玩完，龜縮馬賽惟有拉埋阿媽跪求樂易玲解凍，最終獲安排於東華復工，點知就在上週六東華演出前幾日，馬賽再被雜誌踢爆雪藏期間，孖住汪子琦去新加坡豪賭，馬賽更獲汪提供每月 20萬家用。馬賽於上週五即東華演出前一晚，以弱者形象現身博洗底，更唔敢正面認攣情，「我嘅行為任性令家人擔心，我哋（汪子琦）曾經係好好朋友，??家所有嘢結束咗。」
呢頭博完同情，翌日情敵 Laura即在報章踢爆馬賽大話連篇，雪藏期間便跟汪子琦及馬母三人行去東南亞遊山玩水，馬母更揸機影二人的同性咀相，畫面嘔心，報道更指馬曾要求汪將名下價值 2千多萬的半山物業轉到自己名下。??家同汪子琦斬纜，冇咗條大水喉的馬賽決定食回頭草，翻兜「富二代前男友」。

形象插水，樂易玲安排馬賽上《東張西望》喊晒扮可憐，不過網友唔領情，狂鬧佢虛偽。電視圖片

馬賽上月同辣媽帶狗狗出街，當時已黐埋 TB汪，行頭富貴，手挽過萬元 Prada袋。

富二代前度黑面

為增加翻撻成功機會，馬賽辣媽早前接受訪問時刻意放風，話女兒有個富二代男友，一定唔會搞 les。據知馬賽媽口中的富二代，正正係馬賽中學同學、有「東莞李嘉誠」之子之稱、家族有百億資產的鼎峰集團主席之子簡建鋒。
上週五（ 6日），本刊到鼎峰集團搵到簡建鋒，年約廿多歲的簡建鋒最初表現友善，但當聽到記者提起馬賽及遞上馬汪啜爆相時，簡一看見馬汪親熱相即眉頭一皺，隨即變臉話：「我冇嘢講！」便轉身離開，記者再問簡近來有冇同馬賽聯絡，簡繼續黑面唔想回應，「我唔接受訪問！」
本週一，汪子琦再在微博數爆馬賽，更以「不要再用謊言去掩蓋你之前的謊言……」暗寸對方，??家唔好話要氹番前男友，要喺娛圈起死回生，一定難過由直變攣喎。

埋身追訪
6/12記者於東莞採訪當日，簡建鋒於辦公室拿着保溫水壺騰來騰去顯得非常忙碌。當他聽到關於馬賽的問題，即神色凝重。

即走
簡建鋒看過馬賽及汪子琦的親熱相後，即表示不想接受訪問，然後一支箭衝入電梯，搭??落會議室開會。

百億太子爺

簡建鋒家族創辦的鼎峰集團，總部位於東莞南城區，主要從事地產投資，在當地擁有多個大型屋苑，其中由簡建鋒負責的高檔樓盤「鼎峰源著」成為「 2014中國十大超級豪宅」之一，其家族資產超過一百億，馬賽真係走寶。

聯手「炸賽」

上月頭流出馬賽同內地有米製片人汪子琦及富婆 Laura同遊歐洲，後來有指汪同 Laura先係一對，正當以為誤會一場之際，原來馬賽真係撬人牆腳，仲同汪遊山玩水當街啜爆，打風打唔甩。點知唔夠兩個月，馬賽為前途自保寧願斬纜，搞到汪子琦同 Laura聯手反擊，開口炸「賽」！

9/12
汪子琦終忍唔住於微博開名鬧馬賽機關算盡，又希望佢唔好再講大話逃避，更暗示馬賽唔好再扮嘢。

7/12
馬賽被爆雪藏期間跟母親及汪子琦三人行到新加坡及越南等地遊山玩水，同時 Laura大爆馬母幫女揸機影女兒同汪子琦啜爆相。

5/12
爆出攣情後，馬賽即被 TVB雪藏，上月被雪期間卻被讀者於新加坡賭場影到豪賭。又有傳佢每月收汪子琦 20萬家用，再氹汪將半山 2千萬物業轉名。
而慘被背叛的 Laura，上月尾來港出席名牌活動時提起馬賽要汪子琦畀 20萬家用時繼續發炮，「食火雞都唔使咁貴！」

10/11
被週刊踢爆踢走富婆 Laura坐正，馬賽雖然唔蒲頭，但仍在微博晒幸福，當時未被踢爆講大話的她仲識笑，又同汪一齊用旅行相做微博頭像，更在微博大發慈悲論。

FACE週刊 第342期

自去年 7月黃宗澤同胡杏兒分手後，杏兒隨即搬離火炭愛巢，更屢傳被內地男星追求，以為兩人從此冇轇轕，但原來分手後 Bosco仍然對前度好照顧。

胡囧吸金能力算強，但今年 9月黃宗澤辭任其全資公司「恒旭」董事，由舊愛胡杏兒接任，疑將「恒旭」持有市值超過 450萬嘅沙田樓轉畀胡杏兒，分手 14個月，一層樓都食埋，如果咁樣分前度身家，杏兒都算狠。
好在 Bosco如今炒樓拍戲做生意瓣瓣掂， 450粒？散紙啫！

去年 7月分手，對於復合，胡囧含糊話：「唔講啦，點講都死！」復合唔講，不過樓可以照攞！《蘋果日報》圖片

32歲黃宗澤自上年 7月同拍拖 7年嘅胡杏兒分手後，一直未有新歡，雖然期間傳過同大陸咪精柳岩和岑麗香等緋聞女，最近更有指其生意拍檔為「新波嫂」，不過全屬煲水， Bosco始終對胡杏兒照顧有加。

9月疑似送畀杏兒嘅銀禧花園，為黃宗澤 11年以 311萬買入，現市值約 455萬，帳面賺 144萬。

黃宗澤透過恒旭發展有限公司持有銀禧花園，雖然董事轉咗做胡杏兒，但據律師梁永鏗表示：「呢個只係轉換董事，一定要睇股份有冇 100%轉讓，如果有，先可確定呢個物業係轉咗畀人。」

轉名擸 450萬樓

二人分手後，有傳 Bosco經常 WhatsApp杏兒噓寒問暖，但杏兒多次同場時表面當對方透明。杏兒早前又喺《衝 II》慶功上自爆：「同過圈外人拍拖兩個月，但已經和平分手。」杏兒接連搵新仔，但一樣識得同前度「計數」，就在兩人分手 14個月後，今年 9月，杏兒再「分」得一層樓。
今年 9月，一直由 Bosco個人全資擁有的公司恒旭，突然將胡杏兒加入成公司董事之餘， Bosco更辭去董事職位， Bosco之前透過恒旭擁有市值超過 450萬的沙田銀禧花園單位。分手 14個月，胡囧原來同 Bosco仲有錢銀轇轕，但 400幾萬 Bosco其實豪得起，事關 Bosco現仍手持兩個銀禧物業，加埋大部分資產喺阿媽手。「其實杏兒同 Bosco拍咗成 7年拖，仲諗過結婚添，佢兩個財政一向冇分彼此，未反面分手前，兩個仲一齊去匯豐開咗個百萬聯名戶口添！啲數其實點計得咁清！ Bosco亦都唔係傻仔，分咁啲當斷尾可能仲好，唔使下下再計番以前啲錢銀嘢啫！」杏兒身邊人透露。

黃宗澤除咗拍劇，買樓投資外，最近仲喺九龍城開埋蠔吧做老闆。早前更親身視察鋪位，不過 Bosco為大股東，但就由媽咪李佩芬出面。

11年胡杏兒攞視后，更公開同黃宗澤情侶關係。二人表現恩愛，可惜公開後不夠半年就分手。

分完身家爆鼻

杏兒「分身家」， Bosco則忙為《點金勝手》趕工，據知早前 Bosco喺屋企滑倒爆鼻入廠，加上 Bosco經常因飲醉酒導致開早失場，搞到《點》劇全劇遲收兩星期。
上週六（ 7日） Bosco清晨 5時已為《點》開工，問到送樓畀杏兒一事，他笑笑口表示：「我唔講呢啲嘢……蠔吧我係夾大份?，我用阿媽名啫！（係咪成日飲酒，搞到甩場，三位女主角嬲你喎！）梗係冇啦！之前我去廁所屙夜尿跣腳爆鼻，唞咗幾日啫，但絕對冇因飲酒唔開工。（係咪有新女友？）嗰個只係生意拍檔咋，唔好亂寫呀！」

Bosco除早前拍《點金勝手》時喺屋企唔小心整爆鼻，搞到停咗 4日工，亦有傳他因經常飲醉酒甩場，令《點》劇遲收工兩星期。上週六（ 7日）為《點》劇趕工時， Bosco說：「我咁耐有冇傳過呢啲嘢先？冇吖嘛！」

英雄救美
當日拍攝黃宗澤同訓練班學員鄧佩儀落水戲。黃宗澤仲要抱佢上岸，七情上面，事後黃宗澤仲笑人：「阿女你都幾重喎！」

淋水扮浸
當日 Bosco要落水，但最後錫身，事後搵人淋水扮跳咗。反而訓練班同學鄧佩儀就真係跳喇，成身鹹水都冇有怕。

分手後二人甚為避忌，就算同場都企到幾丈遠，上月 19日台慶亦同場，不過就全程冇交流。

有指拍《點》劇期間， Bosco成日飲酒唔返。每逢早班外景實 no show，除咗搞到三位女角嬲咗佢，仲令到成套劇都遲收工。
徐子珊：係遲咗，佢爆咗個鼻吖嘛，唞咗幾日啫！（真實對白）

唔睬：陳敏之

最嬲：胡定欣

蠔吧月尾正式開

無綫小生之中， Bosco最懂得投資。雖然 9月送咗層 400幾萬樓畀舊愛胡杏兒，但他現手持兩個銀禧花園，而其他投資就經阿媽李佩芬，而最近阿媽又投資工廠大廈，嚟緊同朋友合資嘅蠔吧又開張，加埋大馬怡保嘅夜場生意。上年佢亦自爆擁有超過 10個物業，絕對係無綫筍盤，論財力仲筍過陳豪、馬明。

阿媽有計
Bosco同媽咪李佩芬感情深厚，幾乎所有投資都由阿媽經手，將於月尾開業的蠔吧，除了兩名股東外，另由黃母李佩芬透過公司佔大股。而黃媽媽亦投資有道，今年成立香港尚杰娛樂有限公司，先後在 8月及 10月買了兩層沙田工廈，加埋市值近 600萬。

黃宗澤與朋友合資嘅蠔吧 Oystertime，現正進行最後裝修。週一（ 9日）仍未開業，據知會在聖誕前開業，而內裏裝修豪華，走中高檔路線。

11年本刊拍得杏兒捉 Bosco去將軍澳滙豐銀行，迫佢開百萬聯名戶口，全權控制 Bosco財政，迫佢結婚。

冧盡中港台

胡杏兒一向緋聞少，但自從同港仔 Bosco分手後，異性緣開始暢旺，特別同劇中拍檔易傳緋聞。先後同台灣影星黃少祺及國內演員于波，但杏兒今年 10月喺《衝 II》慶功宴上，表示曾經同圈外人拍拖，但兩個月又分手， 34歲杏兒睇嚟大把人問津。
同 Bosco甩拖後，杏兒密密掘金，最近忙拍新劇《醋娘子》，更自爆聖誕、新年、農曆年多騷接，連瞓都冇時間，冇機會拍拖喎。

內地打星追拍大陸劇《辣媽俏爸》，由於劇中有大量動作戲，出身中南海保鏕嘅于波經常教杏兒打功夫，之後更被指力追杏兒。

台視一哥溝杏兒同有「台視一哥」之稱嘅黃少祺合作拍大陸劇《金玉滿堂之身世之謎》，劇中有唔少咀戲，因而傳出杏兒因黃少祺而飛黃宗澤，但黃之後否認，更表示同杏兒只是朋友。

胡杏兒指與黃宗澤沒錢銀瓜葛

胡杏兒昨晚以古裝打扮出席無綫於電視城舉行的盆菜宴，對有報道指她最近與前男友黃宗澤「分身家」，黃宗澤將價值400多萬元物業轉名給她，杏兒解釋：「報道真的很好笑，當然不是事實！事實是層樓當初是他以公司名義買下，但因某些原因他不想要，最後我幫他買下，不是夾份買。為何這麼遲才處理？因單位未夠兩年轉名要另外交稅，這是很簡單的一件事。（很信得過對方？）當然信得過，亦不涉及折扣，我給他原價，况且所有事都是Auntie處理，跟他在金錢上已沒瓜葛。」

音樂鬼才劉家昌和甄珍的35年婚姻傳破裂，現年70歲的劉家昌驚爆有小三，與激似林志玲的28歲台灣小歌星安唯綾發展忘年戀，還想將她收歸旗下私有化。據知甄珍亦不滿劉家昌豪賭成性，每次至少輸掉一千萬，屢勸不改，徹底死心的甄珍答允離婚，掌管兩人近五億財政大權的她，只肯分一億元給劉家昌，以洩心頭之憤。

甄珍上月由兒子劉子千陪同到台灣，領取金馬獎終身成就獎，與她結婚35年的老公劉家昌卻不見蹤影，傳出兩人正辦離婚，有指甄珍不滿劉家昌流連賭場，近年更頻頻關照前妻江青，冷落了甄珍和子千兩母子，忍無可忍的甄珍決定離婚；至今兩位當事人一直沒挺身回應，子千亦避談父母婚變，而劉家昌徒弟甄妮接受訪問時，爆料指圈內盛傳婚變原因是有第三者介入，甄珍氣得不得了，令離婚傳聞更言之鑿鑿。

■劉家昌和甄珍35年婚姻面臨破裂，兒子劉子千避談父母婚變。資料圖片

讀聲樂志趣相投

昨日驚傳小三就是28歲的台灣女演員安唯綾，年屆70的劉家昌臨老入花叢，兩人年紀相差42歲，安唯綾因樣子激似林志玲，有「小林志玲」之稱，身材很惹火，消息指劉家昌很欣賞曾在《超級星光大道》踢館的安唯綾，雖然當時安唯綾已簽有經理人，但劉家昌仍打算將她收歸旗下私有化，甄珍察覺老公有異心，四處打探安唯綾是誰人，還擔心劉家昌可能惹上合約官非，找律師了解法律常識。

安唯綾於台灣師大音樂系修讀聲樂，懂鋼琴、大提琴，與劉家昌志趣相投，入行五年的安唯綾絕少緋聞，惟今年情人節，她在微博上載粉紅玫瑰相片，留言：「祝福大家都能找到那個對的人，包容彼此的缺點，放大欣賞的優點。」似乎正沉醉在戀愛甜蜜中，平日愛玩微博的她，昨日被爆是疑似小三後，至截稿前都沒在微博蒲頭。

據知，今次是劉家昌主動提出離婚，初時甄珍堅決不允，早前她擬在台灣召開記者會，都是想向外間否認婚變，惟最後甄珍無力挽救破碎婚姻，才死心妥協答允離婚，並取消了記者會。

好賭沉迷百家樂

昨日本報記者聯絡甄珍，但截稿前未回覆，據知甄珍跟好友透露，因劉家昌好賭成性沉迷百家樂，每次最少輸一千萬，多年來已輸掉很多財產，有傳甄珍曾抵押名下西貢四棟別墅給方逸華，去年才贖回。幸而甄珍善於理財，變賣七棟房產套現四千多萬，由於兩人共同擁有近五億資產，包括美、日、港、台都有房產，加上中國龍虎山飯店，手握財政大權的甄珍，擔心劉家昌輸到影響兒子，才忍痛答允離婚，但只分給他一億元。

而安唯綾經理人娃娃接受台灣傳媒訪問時，承認劉家昌很欣賞安唯綾的才華，之前曾商討合作，還直認安唯綾曾跟劉家昌和甄珍食飯，但否認安唯綾是小三，她說：「甄珍姐對我們很好，如果是這樣，怎麼會找我們吃飯。」

大起底：28歲台女踢館出位

■「小林志玲」安唯綾在台灣師大音樂系修讀聲樂、彈琴和大提琴，跟劉家昌志趣相投。互聯網圖片

被指介入劉家昌與甄珍婚姻的28歲台女安唯綾，原名洪子涵，擁有34C、26、36身材，樣子甜美，因外貌激似林志玲而獲封「小林志玲」稱號。安唯綾於台灣師範大學音樂系畢業，08年參加台灣綜藝節目《超級星光大道》踢館賽成名。賽後劉家昌欲簽安唯綾為旗下藝人，但她當時是蔡揚名的合約藝人。

安唯綾曾參演偶像劇《桃花小妹》、《王子看見二公主》、《幸福最晴天》等演出，最為港人熟識是《我可能不會愛你》中飾演張美美，與林依晨及陳柏霖有不少對手戲，最近演出偶像劇《結婚好嗎？》。

壹週刊 第1240期

何家女婿夢碎，全世界睇死四失（失女、失事業、失財、失形象）陳山聰一定扮矮仔返無綫拍劇。面子緊要，就算監製王心慰七月叫他回巢拍《忠奸人》，四失聰依然企硬，拒吃回頭草。

但停工兩年有出無入，四失聰最後向現實低頭，主動聯絡高層樂易玲，但失勢樂大媽一直採取拖字訣，四失聰於是向製作部戲劇製作總監曾勵珍埋手，騷價被斬三分一，月內將會上《獎門人》做嘉賓，測試市場水溫。

早前不時西裝骨骨外出的陳山聰，曾表示有工作在身，無意回歸拍劇

主動求饒

四失聰自今年四月同何家超雲分手後，一直潛水無影，曾表示無意重返無綫拍劇的他，上月中為好友醒獅活動擔任嘉賓時，忽然改口風：「我曾經同樂小姐（樂易玲）見過面，拍劇，隨緣啦！」
據了解，當日陳山聰倫敦落泊返港，眼見他中年四失，樂易玲曾做好心，吩咐所有監製如有需要，可以 call四失聰埋位。而曾經與四失聰合作過《最美麗的第七天》，以及《 Only You只有您》的監製王心慰，主動叫他在新劇《忠奸人》中做大奸角，卻遭四失聰一口拒絕。樂大媽見對方唔領情，決定當佢透明，就算四失聰知衰主動約食飯，樂大媽唔會再上當。「見你咁慘，開聲叫人俾 job你做，又嫌三嫌四，況且大媽鬥唔過 SY（余詠珊），自身難保，仲邊得閒理佢呀！」一名無綫中人透露。
回歸拍劇心切，四失聰馬上轉膊，搵樂大媽另一死敵、製作部戲劇製作總監曾勵珍埋手。起初珍姐表現冷淡，不過有人面皮夠厚，日日搵、搏好感，講到明知衰，願意由二打六做起。睇準四失聰心急復出，珍姐食住上，將他的騷價由五千不足， cut到二千有找，生活逼人，四失聰只好一口應承，珍姐亦二話不說安排他上《獎門人》做嘉賓，預演回歸。

拍拖期間曠工無影，何超雲出面為四失聰拉攏樂易玲擺和頭酒。

四失聰拍過珍姐曾勵珍的《窈窕淑女》，近日成功冧掂對方開綠燈回巢拍劇。

今年七月，四失聰拒回巢拍《忠奸人》，角色最後由張繼聰頂上。

添哥棄用

上月底就有人見到四失聰手持劇本現身無綫化妝間，以為他埋位拍李添勝古裝新劇，但原來添哥已經將他列入黑名單。「當日《天梯》俾晒好位佢（四失聰），竟然掛住拍拖，無晒影，添哥私下同我哋話，陳山聰養唔熟，佢知道添哥開新戲都有 call過監製打招呼，但演員一早已經定好晒，無山聰份！」

得把口

近日積極跑步修身的四失聰，明顯清減不少，稍後時間更會參加馬拉松比賽。

曾高調表示，無意重返幕前的四失聰，其實只係為啖氣。「阿 Joel（陳之洋名）知道全部人睇死佢箍唔成煲，實返去無綫拍劇，佢自己知自己事啦！當年顧住拍拖得罪公司咁多人，佢同人呻過返到去實死冇生，寧願試吓做其他嘢，真係做唔掂先算，點知捱得嗰半年，咪又係要返無綫。」陳山聰的友人透露。

樂易玲曾勵珍證陳山聰回巢

曾勵珍與樂易玲昨晚證實陳山聰回歸，明年1月會拍李添勝監製的新劇。戲劇製作總監曾勵珍說﹕「不要用『投靠』兩字，每個有演技的演員都歡迎返屋企，是有新計劃。（先安排陳山聰錄《獎門人》試水溫？）無試水溫，適合便回來拍劇，已經有幾個監製搵他。（說他搲撈？）信我，不是，他是簽了新合約。」

製作資源部總監樂易玲透露陳山聰明年1月拍添哥新劇。對於她被指失勢，陳山聰轉投珍姐？她笑說﹕「咁快啲投向珍姐懷抱。（傳陳山聰要減騷錢？）無，他上個月已簽，有根據市場環境加騷錢。（有無叫他簽約後不要再掛住拍拖？）我幫你哋同佢講。他現在操fit回來，演出角色有發揮。」

壹週刊 第1240期

「峯語戀」拍拖接近一年，熱情有增無減，剛剛度過三十四歲生日的林峯，更一早 plan好同女友出埠慶祝。本月二日，林峯同吳千語現身香港機場出發到日本，先遊大阪再轉戰東京，玩足九日。週日（十二月八日）林峯生日當晚，二人閉關酒店，激戰十七個鐘，盡興過後，翌日殘爆的千語 BB同男友坐的士去新宿期間，仍意猶未盡在車廂中互啜，為箍實「好愛好愛……」嘅 BB，林峯繼續放水，全程住得豪，食得豪，同時滿足埋拜金 BB豪買名牌衫褲鞋襪苛索，連買「爸爸」、「弟弟」，林峯照樣碌卡找數。

為滿足 BB購物慾，連買胸圍底褲，林峯都照樣簽卡埋單。

前後腳上機

本月二日下午，林峯同千語 BB現身香港機場，準備乘坐下午四點半的航班飛大阪，為避耳目，二人分頭行事，千語 BB先行落車到櫃枱 check in，入閘後再到禁區內的萬寧 shopping。另一邊廂，林峯已到達上機閘口，見記者上前拍照，顯得相當不耐煩，致電女友通風報信後，便急急腳登機。約十分鐘後，千語 BB到達閘口，警覺地兩頭望，更除低黑超四圍搵記者，之後才急步上機。

大戰十七小時

為同女友共度生辰，林峯一早同公司攞定十日假，二人先在大阪逗留六日，週六（七日）乘坐子彈火車轉戰東京，入住位於千代田區、新落成的五星級酒店 Palace Hotel Tokyo。
週日（八日）是林峯正日生日，下午一點，著住短裙晒長腿的千語 BB，同壽星仔手拖手從酒店出發，搭的士到代官山，先去蔦屋書店各自各睇書，打完一輪書釘，再到附近的寵物店買寵物用品，不需一會，二人便拎住一袋二袋戰利品從後門離開。到了七點晚飯時間，兩個居然飯都唔食，急不及待跳上的士直返酒店過二人世界。晚飯只叫 room service，寸步不離留在房內貼身陪伴壽星仔。

BB指住衣架上的大紅胸圍、 T-back套裝，林峯即舉起手指公俾 like。

BB在內衣店內左試右試，試勻不同款色，逗留接近兩粒鐘。


酒店大戰十七個鐘後，翌日林峯與 BB殘樣現身，齊齊到新宿血拼。

元氣大傷的林峯，一邊睇衫，一邊放蚊。

BB親手為林峯試戴頸巾，林峯俾佢箍到實，當堂冧晒。

豪使壽星仔

有 BB陪過 34歲生日，林峯當然冧到暈，九日八夜，食最好住最好，加埋要滿足 BB嘅巨額購物慾，林峯使錢絕對唔手軟，旅程埋單保守計，接近 100萬。

的士嘴對嘴

經過十七小時纏綿，翌日下午十二點，零化妝的千語 BB殘爆現身，玩到精疲力盡的林峯同樣一臉倦容，二人先坐的士到位於中央區的 chez inno高級法國餐廳醫肚，分別點了兩個 set lunch，埋單約二千四百港元。歎完法國菜，二人坐的士到新宿準備血拼，其間 BB突然施展「啜功」嘴向男友，林峯即時回禮反啜 BB，二人在車上你一啖、我一啖，相當痴纏。

唔夠喉， BB再出招，在車廂嘴對嘴，連啜兩下。

情到濃時， BB突然使出「啜功」，主動嘴向男友面頰。

男友送 bra

到達新宿，二人先到地下商場的寵物店掃貨，之後再去名店林立的伊勢丹百貨公司，二人索性搭??直上八樓，由上至下逐層行、逐層掃， Prada、 Dior通通有殺錯無放過，可能前一晚慶生大傷元氣，試衫期間，林峯不斷「放蚊」， BB見狀即主動幫男友試戴頸巾，好服侍。逛完一轉，二人再轉戰女裝部，千語 BB馬上發揮 fing錢本領，衫褲鞋襪全部買買買，在旁的林峯攞出信用卡碌完再碌。經過一輪血拼，千語 BB走入一間內衣店揀 bra，怕尷尬的林峯，未有留在內衣店，坐在另一間時裝店外等候。之後，服務員上前帶林峯行近試身室，相信是正在試 bra的千語 BB想詢問男友意見。試足兩粒鐘，千語 BB終於揀啱心水，林峯坐在一片 bra海的櫃位前找數之際， BB指住衣架上的火辣紅 bra加 T-back，示意自己買咗，林峯當堂笑晒點頭，然後繼續簽卡。 BB發功，男友即時暈得一陣陣，林峯的「 BB降」果然愈中愈深。買完 bra，一臉滿足的千語 BB拎住戰利品與男友雙雙離去。

屋企有養狗的林峯，在寵物店添置狗用品。

林峯生日正日， BB穿上短裙晒長腿，為男友慶生，二人先到代官山的書店買書。

落的士後， BB的吸盤嘴收唔切，繼續想啜，林峯當然十分回味。

周遊列國

「峯語戀」自今年 2月公開後，二人多次被發現拍拖外遊，由日本到米蘭再到美國，已經走遍歐美亞三大洲，真係恨死隔籬。

沖繩過年

今年 2月，林峯專誠由上海飛去東京同 BB度過拍拖後第一個情人節，返港兩日，二人再飛沖繩喪玩五天。

血拼米蘭

2月第三度外遊，林峯再帶千語到米蘭，瘋狂掃名牌，埋單過百萬，全由林峯找數。

美國畢業禮

5月，林峯帶埋 BB到美國，出席胞弟林逸洺的畢業禮， BB見晒家長當正自己人，成為林家半個小新抱。

橫店探班

5月尾，林峯要返橫店為新劇《陸小鳳與花滿樓》埋尾，為防林峯作反， BB人肉速遞橫店，??實男友兼做跟得夫人。

盡興返歸

玩足九日，本週二（十日）千語 BB同林峯盡興返歸，一早 check-out離開酒店到東京成田機場，二人雙雙步向櫃位辦登機手續，之後便排隊入閘。回到香港後，下午要出席活動的千語 BB，率先離開，林峯幫手做苦力，留守在機場幫女友拎行李，其間記者上前問他：「（千語送咗咩生日禮物俾你？）冇呀！食咗一餐好難 book嘅飯囉。（千語係咪買內衣都要你過目？）正常 shopping，好正常！」

週二（十日）林峯與 BB抵達東京機場準備回港，大戰九日，二人同樣精疲力盡，一臉倦容。

林峯被問到是否幫眼替女友揀胸圍，一臉尷尬：「正常 shopping，好正常。」

二人的戰利品塞爆三個大喼，滿載而歸。

一落機， BB趕住開工先行離開，林峯替她拎埋行李。

一返港就出席活動，被問到送什麼禮物給男友，她表示：「唔講得！不過就同佢（林峯）去咗間好難訂位嘅餐廳食飯。」

添情趣

圈中有不少女藝人為箍實另一半，都會出盡冧仔法寶，甜言蜜語送禮物，招數當然唔少得。

熊黛林買挑情枕袋

07年，熊黛林與郭富城拍拖期間，男方要到泰國拍戲兩個多月， Lynn專程飛往當地探班，二人在酒店房大戰一輪後，在當地商場的床上用品部，買了一對印有女方酥胸半露大嗌「 one more」，男方標晒冷汗話「 OK」圖案的枕袋。

官恩娜自製禮物

與醫生男友拍拖 5年， Ella經常自製禮物冧男友，除情人節親手製作花藝裝飾外，去年男友生日，更花盡心思去上堂，造了一個皮革袋給對方作生日禮物。

徐靖雯買催情 bra

11年，徐靖雯翻撻鄭嘉穎，為箍煲成功，專誠到中環買催情內衣賀男友生日，最終揀了一個黑色性感喱士 bra，夠晒火辣。